«Афросиёб» поездида йирик суммада валюта бўлган сумкасини унутиб қолдирган Россия фуқаросига сумкаси қайтариб берилди.
ИИВ Транспорт ва туризм объектларида хавфсизликни таъминлаш департаментининг маълум қилишича, 8 октябрь куни Тошкент—Қарши йўналиши бўйлаб ҳаракатланувчи тезюрар Афросиёб поезди билан Тошкентдан Самарқандга кетаётган Россия фуқароси Самарқанд бекатида тушаётиб, ичида 2000 АҚШ доллари, 5180 Евро, 11 500 Россия рубли, 1 дона ноутбук ва телефон аппарати, шунингдек, шахсий буюмлари бўлган қўл юк сумкасини унутиб қолдирган.
Транспорт ва туризм объектларида хавфсизликни таъминлаш департаменти ва Самарқанд ИИБ ППХ ходимлари томонидан зудлик билан олиб борилган суриштирувлар натижасида қўл сумкаси топилиб, буюмлари тўлиқ ҳолатда ўз эгасига қайтарилган.
Изоҳ (0)