“Afrosiyob” poyezdida yirik summada valyuta bo‘lgan sumkasini unutib qoldirgan Rossiya fuqarosiga sumkasi qaytarib berildi.
IIV Transport va turizm obyektlarida xavfsizlikni ta’minlash departamentining ma’lum qilishicha, 8-oktabr kuni Toshkent—Qarshi yo‘nalishi bo‘ylab harakatlanuvchi tezyurar Afrosiyob poyezdi bilan Toshkentdan Samarqandga ketayotgan Rossiya fuqarosi Samarqand bekatida tushayotib, ichida 2000 AQSH dollari, 5180 Yevro, 11 500 Rossiya rubli, 1 dona noutbuk va telefon apparati, shuningdek, shaxsiy buyumlari bo‘lgan qo‘l yuk sumkasini unutib qoldirgan.
Transport va turizm obyektlarida xavfsizlikni ta’minlash departamenti va Samarqand IIB PPX xodimlari tomonidan zudlik bilan olib borilgan surishtiruvlar natijasida qo‘l sumkasi topilib, buyumlari to‘liq holatda o‘z egasiga qaytarilgan.
Izoh (0)