Ижтимоий тармоқларда «Қарши шаҳри ‘Гулшан’ маҳалласида жойлашган хонадонларнинг бирида ёнғин содир бўлмоқда» номи остида видеолавҳалар тарқалди. Ҳолат юзасидан Қашқадарё вилояти фавқулодда вазиятлар бошқармаси ахборот хизмати муносабат билдирди.
Ушбу ҳолат юзасидан 11 октябрь куни соат тахминан 19:55 атрофида «Гулшан» МФЙ Китоб кўчасида яшовчи С.Х.га тегишли хонадонда ёнғин содир бўлаётгани ҳақида шаҳар фавқулодда вазиятлар бўлимига хабар келиб тушган.
Хабарга кўра воқеа жойига шаҳар ФВ бўлимидан 2 та ёнғин-қутқарув экипажи жалб қилинган ва соат тахминан 20:02 атрофида етиб борган. Қутқарувчилар ёнғинни соат тахминан 20:25 атрофида тўлиқ бартараф этган. Ёнғиндан уйнинг 40 квадрат метр майдонда том қисми ва қўшни уйда яшовчи М.Б. хонадонининг 20 квадрат метр майдонда том қисми ёнган.
Ёнғиндан ҳеч тан жароҳати олмаган. Ҳозирда ҳодиса сабаби ва зарари аниқланмоқда.
Изоҳ (0)