Ijtimoiy tarmoqlarda “Qarshi shahri ‘Gulshan’ mahallasida joylashgan xonadonlarning birida yong‘in sodir bo‘lmoqda” nomi ostida videolavhalar tarqaldi. Holat yuzasidan Qashqadaryo viloyati favqulodda vaziyatlar boshqarmasi axborot xizmati munosabat bildirdi.
Ushbu holat yuzasidan 11-oktabr kuni soat taxminan 19:55 atrofida “Gulshan” MFY Kitob ko‘chasida yashovchi S.X.ga tegishli xonadonda yong‘in sodir bo‘layotgani haqida shahar favqulodda vaziyatlar bo‘limiga xabar kelib tushgan.
Xabarga ko‘ra voqea joyiga shahar FV bo‘limidan 2 ta yong‘in-qutqaruv ekipaji jalb qilingan va soat taxminan 20:02 atrofida yetib borgan. Qutqaruvchilar yong‘inni soat taxminan 20:25 atrofida to‘liq bartaraf etgan. Yong‘indan uyning 40 kvadrat metr maydonda tom qismi va qo‘shni uyda yashovchi M.B. xonadonining 20 kvadrat metr maydonda tom qismi yongan.
Yong‘indan hech tan jarohati olmagan. Hozirda hodisa sababi va zarari aniqlanmoqda.
Izoh (0)