Япония миллий валютасининг курси бугун, 12 октябрда 1998 йил август ойидан бери биринчи марта бир доллар учун 146 иенага тушди. Бу ҳақда Токиодаги савдо маълумотларига таяниб «ТАСС» хабар бермоқда.
Иена курсининг 24 йиллик рекорд даражадаги заифлашуви бир неча ой давомида инфляцияни назорат қилаш учун уни ошираётган Ғарб марказий банкларининг дисконт ставкаларидаги фарқнинг кенгайиши фонида давом этмоқда.
Япония регулятори эса бозорни рағбатлантириш учун ставкани деярли салбий даражада ушлаб туради.
Ушбу пул-кредит сиёсати иенанинг заифлашишига ва нархларнинг ошишига олиб келиши ҳақидаги танқидларга қарамай, Япония марказий банки раҳбари ставкани ўзгартириш ниятида эмаслигини бир неча бор таъкидлаган.
Сентябрь ойи охирида яна бир бор қисқа муддатли фоиз ставкасини минус 0,1 фоиз даражасида сақлашга қарор қилинди.
Бундай шароитда Япония ҳукумати 1998 йилдан бери биринчи марта миллий валюта курсини барқарорлаштириш мақсадида валюта интервенсияларини амалга оширганди.
Валюта интервенсияси — мамлакат марказий банкининг валюта бозорига ва валюта курсига чет эл ёки миллий валютанинг катта суммасини сотиб олиш ёки сотиш йўли билан аралашуви.
Бу эса валютанинг қисқа муддатли мустаҳкамланишига олиб келди ва у бир доллар учун 145 иенадан 140 иенага етди.
Изоҳ (0)