Ҳамма ҳар куни бўлмаса ҳам ҳафтада бир марта супермаркетга боради. Ҳар қандай жамоат жойида бўлгани каби харид қилиш жараёнини янада қулайроқ қилиш билан бирга, дўконга ташриф буюрувчилар ва унинг ходимлари билан юзага келиши мумкин бўлган тушунмовчиликларнинг олдини олишга ёрдам берадиган муайян хатти-ҳаракатлар қоидаларига риоя қилиш керак.
Витринани очишдан олдин нима олишингиз лозимлигини аниқ билинг
Баъзи маҳсулотлар махсус сақлаш шароитларини талаб қилади ва музлаткичларда сақланиши керак. Бундан ташқари, музлатилган маҳсулотлар учун такрорий процедура унинг бузилишига олиб келиши мумкин - масалан, чучвара ёки сабзавотлар бир-бирига ёпишиб қолади. Камера эшигини очганимизда, ундаги ҳарорат кўтарила бошлайди ва биз уни қанчалик кўп очиқ ушлаб турсак, маҳсулотнинг эриши эҳтимоли шунчалик юқори бўлади. Шунинг учун чучвара ёки котлет таркибини диққат билан ўрганишга қарор қилсангиз, уларни олганингиздан кейин музлаткични ёпинг.
Аравани қаердан олган бўлсангиз, ўша жойга қайтаринг
Баъзида савдо маркази яқинидаги автомобиллар тўхташ жойини аравачалар эгаллаб олади, улар шунчаки маҳсулотларни машинага олинган жойда қолдирилган. Ўзингизга ёки бошқаларга ноқулайлик туғдирмаслик учун аравачаларни ўз жойига қайтаришни унутманг.
Фарзандингизга эътиборли бўлинг
Кўпчилик болаларни аравага ўтирғизишга қарши бўлишига қарамай, баъзида ота-оналарнинг бошқа иложи йўқ, айниқса бола жуда фаол бўлса. Бундай болаларни кузатиб бориш қийин ва бу биринчи навбатда ўзлари учун хавфлидир: улар йиқилиб, жароҳат олишлари ёки жавонлардан устига оғир нарсаларни тушириб юборишлари мумкин. Бундан ташқари, бола қимматбаҳо маҳсулотга зарар етказса, бунинг учун ота-оналар пул тўлаши керак.
Фарзандингизни супермаркетда хавф остига қўймаслик учун уни ҳар доим фақат махсус ўриндиққа ўтирғизинг ва оёқлари улар учун яратилган тешикларда эканлигига ишонч ҳосил қилинг. Агар аравачанинг дизайни хавфсизлик камарини назарда туца, болани маҳкам боғлаб қўйинг ва уни ҳеч қачон қаровсиз қолдирманг.
Йўлакни арава билан тўсиб қўйманг
Бу қоида, айниқса, тор йўлаклари бўлган дўконлар учун. Маҳсулотни яхшироқ кўриш учун витрина олдида тўхтаганингизда, уни иложи борича жавонларга яқинроқ тутинг. Ҳар қандай ҳолатда ҳам аравачани йўлакда қолдирманг, ҳатто яқин атрофда бўлсангиз ҳам.
Иложи бўлса, тиғиз соатларда харид қилишга чиқманг
Агар сиз 9 дан 18 гача ишласангиз, иш куни тугагандан кейинги соатлар бундан мустасно, дўконга ташриф буюриш учун бошқа вақтни топиш жуда қийин. Бироқ, агар тушдан кейин ва тиғиз вақтдан олдин харид қилиш имконияти бўлса, ундан фойдаланинг: бу билан сиз нафақат харид қилиш учун бошқа вақт топа олмайдиган одамларга ҳурмат кўрсатасиз, балки ўзингиз ҳам қимматли дақиқаларни кутиш учун беҳуда сарфламайсиз.
Озиқ-овқатларни нотўғри жойда қолдирманг
Баъзида бирор маҳсулотни харид қилмасликка қарор қиласиз. Идеал ечим уни аввалги жойига қайтариш бўлади, аммо бирон сабабга кўра бунинг иложи бўлмаса, уни саватингизда қолдиринг ва харидларингиз учун тўловни амалга ошираётганда кассирга беринг. Маҳсулотни бошқа турдаги маҳсулотлар билан жавонга қўймаслик керак, айниқса, у тезда бузилиши мумкин бўлган нарса бўлса.
Супермаркет йўлакларида гаплашиб турманг
Агар дўстингиз ёки танишингизни супермаркетда тўсатдан учратиб қолсангиз, шунчаки у билан саломлашинг ва харидни давом эттиринг. Аммо йўлакда туриб олиб, шахсий муаммоларни муҳокама қилишни бошласангиз, бошқа мижозларнинг дўкон атрофида эркин ҳаракатланишига тўсқинлик қилган бўласиз.
Изоҳ (0)