Кундалик ҳаётда учрайдиган одатий нарсалардан фойдаланишда кўпчилик хатога йўл қўйса-да, буни ўзлари билмаслиги мумкин. «Новий очаг» нашри бу борада бир нечта лайфхаклар билан бўлишди.
Калитларни чалкаштириб юбормаслик учун
Аксарият инсонларда калитларни чалкаштириб юбориш ҳолати кузатилади. Улар қайси қулфга тушишини унутмаслик учун махсус белги қўйиш кифоя. Масалан, бу белгини лаклар ёрдамида амалга ошириш мумкин. Табиийки, аёллар сумкасидан бир неча рангдаги лакларни топилади.
Маҳсулотларни янгидек сақлаш
Айрим маҳсулотларни қадоқдан очгандан сўнг янгидек сақлаш қийинлашади. Масалан, печеньелар қотиши, пишлоқ эса ўзининг ҳидини чиқариш мумкин. Бу каби маҳсулотларни янгидек сақлаш учун пластик бутилканинг юқори қисми кесиб олинади ва қадоқнинг очилган томонига ўрнатилади. Бундай қадоқланган маҳсулотларни сафарларда ҳам олиб юриш мумкин.
Тухумни тезда тозалаш
Тухумни тезда ва осон тозалаш учун уни қайнатишда бир ош қошиқ истеъмол содасини солиш кифоя.
Лаб бўёғини ўчириш
Кийимларга тегиб қолган лаб бўёғини ўчириш учун соч турмаклашда қўлланиладиган лак иш беради. Бунинг учун доғ устига лакни сепиб, губка билан ишқаланади ва одатдагидек кир ювиш машинасида ювилади.
Ичимликларни тезроқ совитиш
Муз ва сув 1:1 нисбатда аралаштирилади. Ҳар бир литр сув учун 2 ош қошиқ туз қўшилади. Шишалар музли сувга солинади. Икки дақиқадан сўнг ичимлик 10 даражага совийди.
Макарон маҳсулотини тезда иситиш
Макарон маҳсулотидан тайёрланган таомни тезроқ иситиш учун уни идишнинг ўрта қисимига эмас, балки чет қисми солиш керак. Шундагина таом айлана бўйлаб тезроқ исийди.
Раковина остида тартибни сақлаш
Раковина остида тартиб сақлаш учун душ пардаси илинадиган турбадан фойдаланиш мумкин.
Смартфонни тезда қувватлаш учун
Смартфонни тезда қувватлаш учун уни «учиш» режимига қўйиш ёки ўчириб қўйиш тавсия этилади. Натижада телефон бир зумда қувват олади.
Изоҳ (0)