Соч тўкилишининг асосий сабаблари: қачон трихологга мурожаат қилиш керак?
Сочингиз сезиларли даражада кўп тўкилишининг сабабини билиш жуда муҳим ҳисобланади. Баъзида бу жараён нотўғри танланган косметика ёки бўёқ билан боғлиқ бўлмайди. Ўзингизни оддий синовдан ўтказиб кўринг. Агар тўкилган соч толаларининг охирида оқ тугунча бўлмаса ваҳимага тушманг. Оқ тугунчалар бўлса бир неча кун сочингизни ювманг, кейин сочларингизни тепа ва чакка қисмидан тортиб кўринг. Қўлингизга 5 тадан ортиқ соч толалари тушса, трихологга мурожаат қилиш керак.
Наслга боғлиқ бўлиши мумкин
Бу жараён генларга ҳам боғлиқ бўлади: агар ота-оналардан бири бундай муаммога дуч келган бўлса, унда бу хавфли бўлиши мумкин. Яқинда олимлар генетик мойиллик нафақат ота томондан, балки она томондан ҳам ўтиши мумкинлигини аниқлади. Ҳар қандай ҳолатда ҳам, кунига 100 дан ортиқ соч толалари тўкилса, бу ҳолатга эътибор қаратиш керак.
Гормонал ўзгаришлар
Соч тўкилиши муаммоси фақат ҳомиладор ва яқинда фарзанд дунёга келтирган аёлларга тегишли эмас. Бу жараён контрацептив воситаларни қабул қилишда ҳам юзага келади. Агар гормонал контрасептивларни қабул қилиш пайтида сочларингиз жуда кўп тўкилганини сезсангиз, шифокор билан маслаҳатлашинг, бу таблеткалар сизга мос келмаганидан ҳам бўлиши мумкин.
Детокс-диеталари ва тўйиб овқатланмаслик
Агар детокс-диетага ўтмоқчи бўлсангиз, унда сиз нафақат гўзал қоматга, балки заиф ҳамда сийрак сочларга ҳам эга бўласиз. Организм ресурсларни қайта тақсимлайди ва сочлар муҳим бўлмаган қисмга айланади.
Узоқ муддатли стресс
Агар танбеҳ эшицангиз, дўстингиз билан жанжаллашиб қолсангиз ёки шунчаки кунингиз ёмон ўтган бўлса, унда бу соч тўкилишини келтириб чиқармайди. Бироқ узоқ вақт давомида стресс остида бўлсангиз, бу соч ва бош териси ҳолатига осонгина таъсир қилиши мумкин.
Саломатлик
Айрим ҳолларда соч тўкилишини сезсак ҳам бунга бееътибор бўламиз — кўплаб инсонлар бунга ёмон экология, стресс, етарлича овқатланмаслик сабаб бўлиши мумкин деб ўйлайди. Бунинг сабаблари кўп. Шунингдек, янада жиддийроқ касалликлар: қалқонсимон без билан боғлиқ муаммолар (энг кенг тарқалган), қандли диабет, юрак касаллиги, юқори қон босими ҳам соч тўкилишига сабаб бўлади. Агар шундай бўлса, асосийси ваҳима қилмасдан шифокорга бориб, тўғри ташхисни билиш керак.
Кўп ҳолларда мавсумий соч тўкилиши деб аталадиган нарсага дуч келамиз. Бу муаммони ўзингиз ҳал қилишингиз мумкин, фақат керакли ва тўғри парваришни танлаш керак.
Мавзуга доир:
- Соч тўкилишига қарши курашда ёрдам берадиган 6 та маҳсулот.
- Кимёвий маҳсулотлардан фойдаланиш, сочни дазмолда текислаш ва соч толаларига зарар берадиган бошқа ишлар.
- Соч рангини ўзгартиришдан аввал билиб қўйиш зарар қилмайдиган маълумотлар.
- Соч тўкилиши, ранги ва тузилишининг ўзгариши қандай муаммолардан дарак беради?
