Credit Suisse банки алоҳида компанияга айланиш учун инвесторларни қидирмоқда

Credit Suisse консалтинг ва инвестиция банки бизнесининг алоҳида компанияга айланишини молиялаштириш учун бўлажак қайта қуриш режасининг бир қисми сифатида ташқи инвесторни қидирмоқда. Бу ҳақда Швейцария банкидаги ўз манбаларига таяниб, Bloomberg хабар бермоқда.

1 август куни ўз лавозимига киришган Credit Suisse бош директори Улрих Коернер, биринчи навбатда, сўнгги йилларда қатор жанжалларга сабаб бўлган ва катта йўқотишларга учраган сармоявий банк бўлимини изоляция қилишга интилмоқда.

Манбаларга кўра, Credit Suisse раҳбарияти ўзини алоҳида тузилмага ажратилган бизнесдан ажратиб қўймоқчи. 

Бунинг учун компания 1990 йилда Credit Suisse томонидан сотиб олинмагунча деярли 60 йил давомида мавжуд бўлган Нью-Йоркдаги First Boston инвестиция банкини қайта тикламоқчи. 

Credit Suisse иккинчи чоракни 1,6 миллиард франк (1,7 миллиард доллар) зарар билан якунлади. Таҳлилчилар банк атиги 206 миллион франк йўқотишини кутишган эди. 

Бундан ташқари, бош директор Томас Готцҳтейннинг кетиши эълон қилинди, унинг даврида банк бир қатор жанжалларнинг марказида бўлган ва унинг акциялари нархи 40 фоизга тушиб кетган.

Аввалроқ Credit Suisse инвестицион банки тарихдаги энг оғир даврни бошдан кечираётгани ҳақида хабар берилган эди.