Таиланднинг шимоли-шарқидаги «Утҳаи Саван» болалар боғчасида 2-5 ёшгача бўлган 24 нафар тарбияланувчига собиқ полиция ходими аёвсиз ҳужум қилган.
Пичоқ ва милтиқ билан қуролланган собиқ полициячи боғчага бостириб кирган, навбатчи ходим уни тўхтатишга улгурмаган. Собиқ сержант болалар ухлаётган хона эшигига ўқ узган ва улардан 22 нафарини пичоқлаб, ўлдирган.
Ҳалок бўлганлар орасида эгизак ўғил болалар — Ворапат ва Вирапол Нуадхао ҳам бор, улар тўрт ёшга тўлишларига бир ой қолган эди.
«Болалар боғчаси яқин атрофдаги қишлоқлардаги оилалар учун ишончли жой бўлиб, ҳар куни 90 га яқин бола қатнайди», — дейди қўшни офисда ишлайдиган расмий муниципал Жидапа Бунсом.Ота-оналар болаларни эрталаб соат 08:00 да ўқиш, расм чизиш ва ўйин вақти каби ўқув машғулотлар олиб бориладиган боғчага элтиб қўйишади. Тушликдан сўнг болалар ухлашади, сўнг тарбияланувчилар ювинтирилади ва 14:30 дан кейин олиб кетишга тайёр бўлишарди.
Ҳужум бўлган куни кучли ёмғир ёғган, шунинг учун боғчада болалар одатдагидан кўра камроқ эди. Ўша куни келганлардан фақат иккитаси тирик қолган.
Маҳаллий телевидениенинг хабар беришича, тирик қолганлардан бири Ҳоней исмли қиз хонанинг энг чеккасида адёл билан ўралган ҳолда ухлаб ётган.
Собиқ полициячи — 34 ёшли Паня Кҳамрап Жануби-Шарқий Осиёни ларзага келтирган қирғинда ўзини ўлдиришдан олдин уйида хотини ва боласи билан бирга жами 37 кишини ўлдирган.
Изоҳ (0)