Бугун,

  • USD 11095.31
  • RUB 173.84
  • EUR 10772.44

Россия президенти Владимир Путин ҳукуматга Россия таркибига киритилган Запорожье вилояти ҳудудида жойлашган Запорожье атом электр станцияси объектларини РФ федерал мулкига ўтказишни топширди. Тегишли фармон ҳуқуқий ахборот расмий интернет-порталига жойланди.

Фото: Global Look Press

Фото: Global Look Press

Шунингдек, Путин вазирлар маҳкамасига «Запорожье АЭС» федерал давлат унитар корхонасини яратишни ва унинг объектлари хавфсизлигини таъминлаш чораларини кўришни топширди.

Россия атом станциялари оператори «Росэнергоатом» концерни маълум қилишича, ЗАЭСга Балаков АЭС собиқ бош муҳандиси Олег Романенко раҳбарлик қилади.

Путиннинг фармонида айтилишича, станция ва унинг ишчиларига берилган лицензия ва ишлаш учун рухсатнома 2028 йил 1 январгача амал қилишда давом этади.

Запорожье АЭС — белгиланган қуввати бўйича Европадаги энг йирик ва катталиги бўйича дунёдаги учинчи атом станцияси. У Запорожье вилоятининг Энергодар шаҳри яқинида, Днепрдаги Каховка сув омбори соҳилида жойлашган. Станция олтита ВВЕР-1000 энергоблокларидан ташкил топган бўлиб, улардан биринчиси 1984 йил декабрида, олтинчиси эса 1995 йил октябрида ишга туширилган.

Станция ҳар йили 42 миллиард кВТ/с электр энергиясини ишлаб чиқаради, бу Украинада ишлаб чиқариладиган электр энергиясининг қарийб 21 фоизи, атом станциялари ишлаб чиқарадиганиннинг эса 50 фоизи демакдир.

Запорожье вилоятининг жанубий ва марказий қисмлари март ойидан буён Россия томонидан назорат қилинади. Февраль охирида Россия Мудофаа вазирлиги ЗАЭС жойлашган Энергодар шаҳри назорат остига олинганини маълум қилганди. Шундан кейин маҳаллий ҳукумат станция Украина томонидан ўққа тутилганини кўп марта даъво қилган. Киев эса ҳужумларда Россияни айблаган.

23—27 сентябрь кунлари Запорожье вилоятида, ЛХР, ДХР ва Херсон вилоятларида бўлгани каби, Россия таркибига кириш ҳақида референдум бўлиб ўтди. 30 сентябрь куни Кремлда ҳудудларнинг қўшилиши тўғрисидаги шартномаларни имзолаш маросими ўтказилди. 2 октябрь куни улар, тартиб бўйича, Конституциявий суд томонидан маъқулланди. 3 ва 4 октябрь кунлари шартномаларни ҳамда қўшилиш ҳақидаги федерал конституциявий қонунларни Давлат думаси ва Федерация кенгаши қўллаб-қувватлади. 5 октябрь куни эса президент имзоси қўйилган шартномаларни Кремль эълон қилди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди