Ҳуснбузар, рангпарлик, сепкиллар — бу косметик муаммоларнинг саломатлик билан ҳеч қандай алоқаси йўқдек. Аммо шифокорлар бу ўзгаришларнинг баъзилари жуда жиддий касалликлар аломати бўлиши мумкинлиги ҳақда огоҳлантиради, деб ёзади «Новий очаг».
Йўқолиб кетмайдиган ҳуснбузарлар
Узоқ вақт давомида кетмайдиган ва айниқса қонайдиган ҳуснбузарлар шошилинч тарзда шифокор билан маслаҳатлашиш учун сабабдир. Мутахассисларнинг огоҳлантиришича, бу турдаги тошма тери саратонининг энг кенг тарқалган шакли бўлган базал ҳужайрали карсиноманинг намоёни бўлиши мумкин.
Терининг доимий хиралиги
Куз ва қишда, хона ичидаги ҳаво қуруқлашади, айниқса, ташқари жуда совуқ бўлса. Бундай вақтда терини юмшатиш, уни ҳимоя қилиш ва намлик мувозанатини нормаллаштириш учун намловчи воситалардан фойдаланишга арзийди. Аммо агар тери кўчиш жойи бир жойда қайта-қайта пайдо бўлса ёки узоқ вақт давомида йўқолмаса, иложи борича тезроқ шифокорга мурожаат қилиш керак: бу ультрабинафша нурлари туфайли терининг саратондан олдинги шикастланиши бўлиши мумкин.
Тирноқдаги қизил чизиқлар
Кўпгина ҳолларда бир ёки бир нечта тирноқларда пайдо бўладиган қизил чизиқ кальций етишмовчилиги туфайли тирноқ пластинкасининг ингичка бўлиб бораётгани ҳақда огоҳлантиради. Бу дерматолог билан боғланишга арзийди, чунки баъзи ҳолларда тирноқларда қизил чизиқ псориаз касаллиги ёки ёки ривожланаётган зарарсиз ўсмаларнинг белгиси бўлиши мумкин.
Сепкил ва ёш билан боғлиқ доғлар
Кўпчиликнинг юзида баҳор ва ёзда сепкиллар ёки ёшга хос доғлар пайдо бўлади. Аммо ҳар бир янги нуқтани диққат билан кузатиб бориш керак ва агар улар ассиметрик бўлса, ўлчами ўзгарса, терининг юзасидан бўртиб чиқса, ранги ёки диаметри катталашса иложи борича тезроқ шифокор билан маслаҳатлашиш зарур. Ушбу хусусиятларга эга янги доғлар кўпинча тери саратонининг намоёни бўлиши мумкин.
Лабларнинг ёрилиши
Нафақат қишда, балки ёзги жазирамада ҳам доимо лабларни бальзам ёки мой билан ёғлаш керак, чунки қуруқликнинг кучайиши ёқимсиз ҳамда хавфли ҳамдир. Аммо лаблар қуриб, ёрилиб кетса, об-ҳаводан қатъи назар, дерматолог-онколог билан боғланиш керак, сабаби меланома кўпинча лаблар терисида ривожланади.
Қошларнинг сийраклашиши
Ёши ўтиши билан соч тўкилиши қошлар соҳасида ҳам кучаяди. Аммо қошлар жуда тез ёки эрта тўкилса, қалқонсимон безни текшириш тавсия этилади, бу гипотиреознинг аломати бўлиши мумкин.
Учуқлар
Вояга етган аҳолининг ярмидан кўпи герпес вирусининг ташувчиси ҳисобланади, аммо кўп ҳолларда у ўзини намоён қилмайди. Иммунитетнинг пасайиши билан маълум дори-дармонларни қабул қилиш фонида ёки бошқа шунга ўхшаш ҳолатларда фаоллашади. Оғиз бурчакларида узоқ вақт давомида кетмайдиган яра ва ёриқлар пайдо бўлса, аутоиммун касалликлар ёки инфекцияни истисно қилиш учун шифокор билан маслаҳатлашиш керак.
Изоҳ (0)