Мутахассис тавсияси: ҳафтада икки маротаба бодом сути ичиш иммунитет учун фойдали

Италиянинг машҳур термал курортидаги GB Thermae Hotels бош шифокорининг фикрича, бодом сути сигир сутининг ажойиб муқобилдир. Айниқса, лактозани ёқтирмайдиганлар ёки вегетариан парҳезига риоя қиладиганлар учун. У B12 витаминининг эквивалент дозасини ўз ичига олиши билан бирга, бошқа кўплаб хусусиятларга эга, деб ёзади Elle.

Бодом сути антиоксидант, кальций, рух, магний, темир, фосфор ва А витаминига бой. Бундай бой таркиб инсон иммунитетини рағбатлантирувчи таъсирга эга ва бундан ташқари, тери ва соч саломатлигига ижобий ҳисса қўшади. Бодом таркибидаги табиий клетчаткалар ичакларнинг тўғри ишлашига, шикастланган шиллиқ пардаларни тиклашга ёрдам беради, ичак фаолияти ва унинг микрофлорасини яхшилайди.

Саломатликни сақлаш ва иммунитетни мустаҳкамлаш учун ҳафтада икки марта нонушта учун бир стакан бодом сутини ичиш кифоя.

Бодом сути рецепти

• бодом — 200 грамм;
• сув — 800 мл хона ҳароратида.

1. Бодом идишга солинади, юзаси ёпилгунча сув қуйилади ва бир кечага қолдирилади.
2. Эртаси куни эрталаб сувни шимиб олган бодом блендерга солинади ва тахминан бир стакан сув қўшиб, яхшилаб аралаштирилади.
3. Сўнгра фильтрдан ўтказиб, махсус стаканга қуйилади.