Россиянинг Волгоград шаҳрида ҳужжатсиз ва маошсиз қолган ўзбекистонликлар ҳуқуқлари тикланди, деб хабар бермоқда Ташқи меҳнат миграцияси агентлиги матбуот хизмати.
Маълум қилинишича, агентликнинг Волгоград шаҳридаги вакиллигига 17 нафар Ўзбекистон фуқароси иш берувчидан ҳужжатлари ва иш ҳақларини қайтаришда ёрдам сўраб мурожаат қилган.Мурожаатни ўрганиш давомида иш берувчи музокара ўтказишдан бош тортган.
Шундан сўнг бу ҳақда Россиянинг Волгограддаги ҳуқуқ-тартибот идораларига хабар қилиниб, баённомалар тузилган. Маълумот ва кўрсатмалар туман милициясига топширилгандан кейин иш берувчи фуқароларга паспортларини қайтариб берган.
Фуқароларнинг 425 минг рубль миқдоридаги иш ҳақини ундириш учун Россия тергов қўмитасига мурожаат қилинган.
Мавзуга доир:
Изоҳ (0)