Rossiyada 17 nafar o‘zbekistonlikni hujjatsiz va maoshsiz qoldirgan ish beruvchi militsiyasiga topshirildi

Rossiyaning Volgograd shahrida hujjatsiz va maoshsiz qolgan o‘zbekistonliklar huquqlari tiklandi, deb xabar bermoqda Tashqi mehnat migratsiyasi agentligi matbuot xizmati.

Ma’lum qilinishicha, agentlikning Volgograd shahridagi vakilligiga 17 nafar O‘zbekiston fuqarosi ish beruvchidan hujjatlari va ish haqlarini qaytarishda yordam so‘rab murojaat qilgan.Murojaatni o‘rganish davomida ish beruvchi muzokara o‘tkazishdan bosh tortgan.

Shundan so‘ng bu haqda Rossiyaning Volgograddagi huquq-tartibot idoralariga xabar qilinib, bayonnomalar tuzilgan. Ma’lumot va ko‘rsatmalar tuman militsiyasiga topshirilgandan keyin ish beruvchi fuqarolarga pasportlarini qaytarib bergan.

Fuqarolarning 425 ming rubl miqdoridagi ish haqini undirish uchun Rossiya tergov qo‘mitasiga murojaat qilingan.

Mavzuga doir:

• Sankt-Peterburgda qiyin ahvolda qolgan o‘zbekistonlik ayollarga yordam berildi
• Rossiyada hujjatlari va oylik maoshlarini ololmagan o‘zbekistonliklarga yordam berildi
• Rossiyada 19 nafar O‘zbekiston fuqarosining pasporti olib qo‘yilib, majburan ishlatilgani aniqlandi