5 октябрь куни Венада бўлиб ўтадиган йиғилишда Нефть экспорт қилувчи давлатлар (ОПЕК) ва унга аъзо бўлмаган давлатлар ташкилоти (ОПЕК+) ишлаб чиқаришни кунига 1 миллион баррелдан кўпроқ қисқартириш масаласини кўриб чиқади. Бу ҳақда Bloomberg хабар бермоқда.
JPMorgan Chase фикрича, ОПЕК+ нархларни барқарорлаштириш учун ишлаб чиқаришни кунига камида 500 минг баррелга қисқартириши керак бўлиши мумкин.
Bloombergнинг қайд этишича, мумкин бўлган қисқариш пул-кредит сиёсатининг кескинлашуви шароитида жаҳон иқтисодиётининг тез суръатлар билан секинлашиши фонида юз беради.
Делегатлар Венада бўлиб ўтадиган йиғилишдан олдин қисқартириш ҳажми бўйича якуний қарор қабул қилинмаслигини айтди.
Reuters аввалроқ ОПЕК+ нефть бозорини қўллаб-қувватлаш учун ноябрь ойида нефть қазиб олишни кунига 0,5-1 миллион баррелга қисқартириш имкониятини муҳокама қилаётгани ҳақида хабар берган эди.
5 октябрдаги йиғилиш ОПЕК+нинг 2020 йил мартидан бери биринчи юзма-юз учрашуви бўлади, ўшанда тадбир коронавирус пандемияси туфайли масофавий форматга ўтказилган.
Аввалроқ дунёда нефть нархи пасайишда давом этаётгани ҳақида хабар берилганди.
Изоҳ (0)