2022 йил бошидан бери россиялик миллиардерларнинг умумий бойлиги 94 миллиард долларга камайди, дея хабар қилади Meduza. Бир ой олдин бу йўқотишлар атиги 54 миллиардга баҳоланган эди.
Энг катта йўқотишга учраганлар:
- Алексей Мордашов (9,8 миллиард йўқотган ва ҳозир унинг бойлиги 19,1 миллиардга баҳоланмоқда);
- Геннадий Тимченко (9,7 миллиард йўқотган; ҳозирги бойлиги — 12,8 миллиард)
- Владимир Лисин (9,1 миллиард йўқотган; ҳозирги бойлиги — 18,9 миллиард).
Россия ва Украина ўртасидаги музокараларда тез-тез воситачи сифатида тилга олинадиган Роман Абрамович ўз бойлигининг деярли ярмини йўқотди — унинг бойлиги 8,3 миллиард долларга камайди ва ҳозирда 9,7 миллиардга баҳоланмоқда.
Ҳозирда Bloomberg миллиардерлари индексига 27 нафар россиялик киради.
Изоҳ (0)