Беларусь президенти Александр Лукашенко мамлакат қишлоқ хўжалиги йилини якунлайдиган ҳосилни йиғиштириб олиш ва шу каби ишлар учун имкон қадар кўпроқ одамни жалб қилиши кераклигини таъкидлади, дея хабар беради Meduza.
«Қишлоқ хўжалиги ва корхоналар учун улкан бозор очилди. Биз Россияда, Хитойда ҳамма нарсани сотишимиз мумкин», — деди Лукашенко туман ижроия қўмиталари янги тайинланган раҳбарларига мурожаат қилиб.
Шунингдек, у қишлоқ хўжалиги маҳсулотларини, ҳукумат ҳисоб-китобларига кўра, икки баробарга ошириш ва «яхши нархларда» сотиш мумкинлигини қўшимча қилди.
Шундай экан, қаердаги санкциялар, қандайдир сафарбарлик, уруш ёки бошқа гап-сўзлар қабул қилинмайди. Унутинглар уларни.«Ҳамма йиғим-теримга сафарбар қилинсин», — деб Лукашенко туман маъмуриятлари раҳбарларига мурожаат қилиб, меҳнатга жалб қилинганлар орасида мактаб ўқувчилари ҳам борлигини таъкидлади.
«Агар киши 5-6 соат ишга чиқса, ота-онанинг иккаласи ҳам хурсанд бўлади, боланинг жисмоний ҳолати яхши бўлади», — деди у.
«Биз ҳаммамиз, сиз ҳам, мен ҳам ишладик. Шунчаки ишламадик, балки қаттиқ меҳнат қилдик. Шундай қилиб, талабаларни, ишчиларни, давлат хизматчиларини ва бошқа одамларни бизга ҳамма нарсани йиғиб олишга ёрдам бериш учун сафарбар қилинг. Чунки биз муносиб пул топишимиз мумкин. Ҳозир эмас, баҳорда шундай бўлади», — дейди Лукашенко.
Изоҳ (0)