Ижтимоий тармоқларда IT Park Rewind 2022 тадбирига йирик маблағ сарфлангани эътирозларга сабаб бўлди. Ахборот технологиялари ва коммуникацияларини ривожлантириш вазири Шерзод Шерматов Telegram’даги каналида ҳолатга муносабат бирдирди.
Шерзод Шерматовнинг ёзишича, жамоага умуман ёрдам берганлар, уни йўқ жойдан қоралашга уринаётгани ачинарли ҳолдир.
Давлат бюджетидан бир сўм ҳам маблағ ёки субсидияланган кредит олмасдан 2017 йилгача расман деярли йўқ бўлган (асосан норасмий ишланган) IT соҳаси бу йил 100 миллион доллардан ортиқ расмий экспортга эришиши кутилмоқда.Аввалроқ Шерзод Шерматов Apple компаниясига Ўзбекистонда Apple Pay’ни ишга туширишни таклиф қилганди. Шунингдек, вазир Apple, Google, Меtа ва бошқа компаниялар билан музокаралар олиб бориш учун АҚШга боргани билдирилган.IT соҳасида иш билан банд бўлганларнинг умумий сони (резидентларда ишлайдиганлар ва расман фрилансер бўлиб рўйхатдан ўтганлар) анъанавий алоқа соҳасидагиларникидан ошди. Бу албатта, IT Park жамоасининг тўғри ишлагани сабаблидир. Шу вақтгача бу жамоага умуман ёрдам бермаган одамлар, ҳозир йўқ жойдан уларни қоралашга ҳаракат қилаётгани ачинарли ҳол.
24 июль куни ўтказилган IT Park Rewind тадбирида Бирлашган Араб Амирлиги, Германия, Ҳиндистон, Россия, Беларусь давлатларидан меҳмонлар келиб, Ўзбекистонни IT хабга айлантириш ва экспортни янада ошириш бўйича вазифаларни муҳокама қилишганди.
Тадбирдан сўнг ҳозирги кунгача IT Park резидентлари сони 174 тага ошди, шундан 56 таси экспортер. Бу эса яна қўшимча икки мингдан ортиқ ишчи ўринлари дегани. Кичкина эмас, балки тўрт юздан ортиқ меҳмонлар (соҳа ходимлари ва Аструм ўқувчилари билан ҳисобласа минг нафарга яқин) қатнашган тадбир 819 миллион сўмга тушган экан. Бу пулга нечта болани ўқица бўлади, дейишибди. Инҳа ёки Амитй университетларида 1 йил ўқиш 30 миллион сўм атрофида бўлса, 4 йилда бир болага 120 миллион сўм кетади. Яъни бу пулга 7 нафар болани бакалаврга ўқица бўлади. Уни ҳам қилиш керак албатта (шунинг учун Инҳага президентимиз 100 та грант ажратиб бердилар), лекин бу тадбир ҳам муҳим.
Хуллас, ёки IT Park фаолиятига энди катта-катта компаниялар ишониб, Ўзбекистонга ауцорсни кўпайтириб турган вақтда унга халақит қилмасдан келгуси катта марра экспортни 1 миллиард долларга олиб чиқиш устида биргаликда ишлашимиз керак, ёки майда ғийбат гаплар билан уларни ҳам қўлини совутиб, Ўзбекистонни IT аутсорсинг хабига айлантириш фикридан воз кечишимиз керак.
Шерзод Шерматов, ахборот технологиялари ва коммуникацияларини ривожлантириш вазири
Изоҳ (0)