Замонавий кўриниш ҳосил қилиш учун кўп пул сарфлаш шарт эмас. Ҳар доим долзарб бўлган ва уларнинг ҳақиқий нархидан қатъи назар, образни мукаммал қиладиган асосий кийимлар мавжуд. Бундай кийимларни ҳам топ-моделларнинг, ҳам тенденцияларга эргашадиган қизларнинг шкафларида топиш мумкинлиги ажабланарли эмас, деб ёзади «Новий очаг».
Қора свитер
Бу гардероб учун мутлақо керак бўлган нарса. Қора свитер ҳар доим ҳамма образга мос келади, визуал равишда қоматни янада нозик қилади ва ҳар қандай шим, юбка, кардиган, пальто ва куртка билан мукаммал бирлашади.
Оқ кўйлак
Оқ кўйлаклар фақат офис ходимлари учун мўлжалланмаган. Бугунда уларнинг турли дизайндагисини топиш мумкин. Шунингдек, оқ кўйлакларда расмий учрашув, дўстлар билан зиёфатга ҳам бориш мумкин.
Джинсилар
Джинси шимлар ҳар бир аёл гардеробида бўлиши керак, турли ҳолатлар учун бир нечта жуфтликлар мавжуд. Асосийси, ҳозирги моделларни танлаш. Бу мавсумда кенг ва клёш джинси шимлар урфда бўлади.
Қаймоқ ранг кўйлак
Қаймоқ ранг кўйлаклар ҳамиша урфда. Унинг ёрдамида яратилган образ бизнес учрашувлари ва ижтимоий тадбирлар учун жуда мос келади. Қаймоқ ранг кўйлак учун унга мос келадиган куртка ёки қарама-қарши рангдаги устки кийим танлаш мумкин.
Оверсайз свитер
Оверсайз свитерлар ҳеч қачон урфдан қолмайди. Уларнинг нақшли ёкки оддий дизайндагиси ҳар қандай услуб учун мос келади.
Қаймоқ ранг тренч
Ҳамма вақт учун классик. Қаймоқ ранг тренч пальто оқ футболка ёки кўйлак, свитер, жинси шимлар ва кечки либослар билан мукаммал кўринади.
Қора костюм
Қоматга мос келадиган қора костюмлар ҳар қандай образга мукаммаллик бахш этади. Костюмларни джинси, кўйлак ёки оддийгина топлар билан ҳам уйғунлаштириш мумкин. Муҳими, у гардеробдан ўрин олган бўлиши керак.
Изоҳ (0)