«Ўзтемир йўлйўловчи» 5 октябрдан Бухоро—Хива—Бухоро йўловчи поезди ҳаракати тикланишини эълон қилди.
Маълум қилинишича, ушбу йўналиш Ўзбекистонда туризмни ривожлантириш ва туристик фирмаларнинг талабига асосан тикланади.
Поезд 5 октябрдан 13 ноябргача ҳафтанинг чоршанба, жума ва якшанба кунларидан бошлаб Бухородан, 6 октябрдан 14 ноябргача ҳафтанинг пайшанба, шанба ва душанба кунларидан бошлаб Хивадан жўнайди.
Чипталарни темир йўл кассаларидан ёки ушбу ҳавола орқали электрон тарзда ҳарид қилиш мумкин.
«Ўзбекистон темир йўллари» 28 сентябрдан бошлаб Андижон—Хива—Андижон йўналиши бўйича қўшимча йўловчи поезди қатновини йўлга қўйганди. 29 сентябрдан эса Андижондан ҳаракатланаётган Андижон—Бухоро йўловчи поездининг ҳаракат йўналиши Урганч бекатигача узайтирилганди.
Мавзуга доир: Ўзбекистонда йил охиригача йўловчи вагонларнинг бир қисми капитал таъмирдан сўнг янгиланади
Изоҳ (0)