Бразилиянинг Amazonас штатида ўндан ортиқ автомобиль кетаётган кўприк дарёга қулаб тушди. Бу ҳақда Reuters хабар бермоқда.
Ҳодиса оқибатида 3 киши ҳалок бўлди, 14 киши турли даражадаги тан жароҳати олди. Яна 15 киши бедарак йўқолган. Камида 12 та автомобиль кўприк билан бирга сувга қулаган.
Маълумотларга қараганда, дарёнинг чуқурлиги 20 метрга етади.
Гувоҳларнинг айтишича, кўприк қулашидан олдин унда тирбандлик юзага келган.
Ҳозирда кўприк қулаган жойда ғаввослар ишламоқда.
Аввалроқ Конго Демократик Республикасида янги қурилган кўприк очилиш маросимидаги қизил лентани кесиш вақтида, расмийлар томошабинлар билан бирга қулаб тушгани хабар қилинганди.
Изоҳ (0)