Американинг Apple компанияси талабнинг сустлиги сабабли янги iPhone 14 моделларини ишлаб чиқаришни кўпайтириш режаларидан воз кечди. Бу ҳақда Bloomberg хабар бермоқда.
Компания етказиб берувчиларга жорий йилнинг иккинчи ярмида iPhone 14 ишлаб чиқаришни 6 миллион дона смартфонга ошириш ниятида эмаслигини билдирди.
Бунинг ўрнига Apple 90 миллион смартфон ишлаб чиқаришни мақсад қилган, бу деярли ўтган йилнинг иккинчи ярмидаги каби ва компаниянинг жорий ёзда эълон қилинган кўрсатмаларига мос келади.
Apple iPhone 14 тақдимоти олдидан ишлаб чиқариш прогнозларини янгилади. Компаниянинг баъзи етказиб берувчилари смартфонларга буюртмаларни 7 фоизга оширишга тайёргарлик кўраётган эди.
Бироқ ҳақиқатда маълум бўлишича, янги моделларга талаб чекланган эди. Энг йирик смартфон бозори бўлган Хитойда iPhone сотуви иқтисодий инқироз туфайли сўнгги пайтларда пасаймоқда.
Jefferies маълумотларига кўра, сотувга чиқарилгандан кейинги дастлабки уч кунда мамлакатда iPhone 14 буюртмалари сони ўтган йилнинг шу давридаги iPhone 13 буюртмалари сонидан 11 фоизга кам бўлган.
Бундан ташқари, бу йил юқори инфляция, рецессия қўрқуви ва таъминот занжири узилишлари туфайли глобал электроника талаби пасайган. IDC прогнозига кўра, смартфон бозори 2022 йилда 6,5 фоизга қисқариши кутилмоқда.
Аввалроқ Apple Ҳиндистонда iPhone 14 смартфонларини ишлаб чиқаришни бошлагани ҳақида хабар берилганди.
Изоҳ (0)