Ўзбекистондан анорни қаерга ва қачон экспорт қилиш фойдалироқ?

Ўзбекистонда бир юк машина анорни сотиш орқали қанча даромад олиш мумкинлиги ҳисоблаб чиқилди.

Бир юк машина ўзбек анорини Россияга сотиш орқали 46,8 минг доллар даромад олиш мумкин. Европада эса бу кўрсаткич 86,4 минг долларга тенг. 

Россиядаги анор нархларини солиштирадиган бўлсак, 2021- йилда нархлар энг юқори чўққида бўлган даврда (апрель—июль ойлари) 1 кг анорнинг ўртача нархи 2,9 доллар бўлган, Европа Иттифоқида эса – 5,29 доллар/кг ташкил этган, — дейди эксперт Хусан Ҳайдаров.

Унинг сўзларига кўра, Россияда 1 кг анор учун логистика харажатларини чегириб ташлаш билан 2,5 доллар/кг, Европада эса 4,8 доллар/кг даромад олиш мумкин эди. 

2021- йилда 310 та экспортчи ўзбек анорини 15 давлатга етказиб берди. Топ-5 энг машҳур йўналишлар қаторига Қозоғистон, Россия, Тожикистон, Беларусь, Украина кирди. Лекин ишлаб чиқарувчи учун харажат тоннадан муҳимроқ, — дейди эксперт.

Савдо-сотиқда энг кўп даромад олишни ҳисобга олиш ҳам жуда муҳимдир. Масалан, жаҳон бозорида анорнинг энг юқори нархи апрель—июль ойларида белгиланади. 

Ўзбекистонда анор етиштириш ҳажми йил сайин ортиб бормоқда. 2021 йилда мамлакатда 82,9 минг тонна анор етиштирилган бўлса, шундан 19,4 минг тоннаси экспорт қилинди.