Бугун,

  • USD 11095.31
  • RUB 173.84
  • EUR 10772.44

Россия Федерал хавфсизлик хизмати (ФХХ) Шимолий Осетияда Грузия билан чегарадаги «Верхний Ларс» чегара пунктига ҳарбий хизматчилар билан бирга бронетранспортёр (пиёда аскарларни олиб юриш ва разведка учун белгиланган зирҳли автомашина) жўнатди. Бу ҳақда «РБК» ФХХнинг Шимолий Осетия бўйича чегара бошқармасига таяниб хабар берди.

«Бронетранспортёр у ёққа қараб йўл олди, лекин у блок-пост ўрнатиш учун бораётгани йўқ, бу, қўпол қилиб айтганда, ҳар қандай кутилмаган вазият учун захира, масалан, захирадаги ҳарбий хизматчилар ўтказиш пунктини ёриб ўтиб, чегара бўйича ҳеч қандай расмиятчиликларсиз мамлакатни тарк этмоқчи бўлиши билан боғлиқ ҳолатлар учун», — дея маълум қилишди чегара бошқармасидагилар ва ФХХ блок-постлар ўрнатмоқчи эмаслигини таъкидлади.

«Назорат-ўтказиш пункти одатий режимда ишлаяпти, чақирув ёшидаги эркак фуқароларнинг мамлакатдан чиқиши бўйича ҳеч қандай чекловлар киритилгани йўқ», — дея қўшимча қилишди идорадагилар.

Аскарларни ортиб олган бронетранспортёр етиб келгани ҳақида чегарада турган одамлар ҳам хабар берган ва чегара пунктида олинган видеоларни эълон қилган эди.

Аввалроқ Россия-Грузия чегарасидаги «Верхний Ларс» ўтказиш пунктида автомобиллардан иборат катта тирбандлик туфайли, Россия фуқароларига чегарани пиёда кесиб ўтишга рухсат берилгани ҳақида хабарлар пайдо бўлган эди.

ФХХнинг Шимолий Осетия бўйича чегара бошқармасианиқлик киритишича, россияликларга чегарани пиёда эмас, балки самокат ёки велосипедларда кесиб ўтишга рухсат берилган.

«ТАСС» маълумотларига кўра, 26 сентябрь куни Россия ва Грузия чегарасида қарийб уч ярим мингта енгил автомобиль тўпланиб қолган. Гувоҳларнинг айтишича, тирбандлик 20 километрга чўзилиб кетган.

Россияда нималар бўляпти?

21 сентябрь куни Россия президенти Владимир Путин Россияда қисман сафарбарлик эълон қилиш ҳақидаги фармонни имзолади. «Ватанимиз, яхлитлигимизни ҳимоя қилиш учун қисман сафарбарликни қўллаб-қувватлаш зарур, деб ҳисоблайман», — деди Россия раҳбари.

Россия мудофаа вазири Сергей Шойгунинг айтишича, қисман сафарбарлик чоғида 300 минг захирадаги аскар чақирилади. Унинг сўзларига кўра, бу Россия сафарбарлик ресурсининг тахминан 1 фоизини ташкил қилади. Хизмат ўтаб бўлган, ҳарбий-ҳисоб мутахассислиги ва жанговар тажрибага эга бўлганларгина чақирилади. Талабалар ва шошилинч хизмат ҳарбий хизматчилари сафарбар этилмайди, деган эди Шойгу.

Армияга чақириладиган одамлар сони кўрсатилган банд сафарбарлик ҳақидаги фармонда махфийлаштириб қўйилган. «Новая газета. Европа» нашри хабарига кўра, ушбу бандда бир миллион киши армияга чақирилиши ҳақида айтилади. Meduza’нинг федерал вазирликлардан бирига яқин манбаси айтиб беришича, армияга 1,2 миллион кишини чақириш режалаштирилмоқда.

Чақирув ёшидаги фуқаролар мамлакатни тарк этиши тақиқланмоқда

Дастлаб Россия ҳудудларидаги ҳарбий комиссарлар сафарбарлик бўйича армияга чақирилиши керак бўлган одамларга ўз шаҳри ёки туманини тарк этишни тақиқлаганди, бироқ 23 сентябрга келиб, уларнинг буйруқларида Россиядан чиқиш кетишга нисбатан тақиқлар пайдо бўлди.

Meduza манбалари маълум қилишича, ДХР, ЛХР ва Украинанинг Херсон ва Запорожье вилоятларидаги босиб олинган ҳудудларда «референдум» тугаганидан кейин сафарбарлик ёшидаги эркакларга Россиядан чиқиб кетиш тақиқланиши кутилмоқда. Тақиқ 28 сентябрь куни киритилиши мумкин.

Сафарбарлик ҳақида эълон қилинганидан кейин Россия ҳудудини 261 минг нафар эркак тарк этган.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди