Bugun,

  • USD 11095.31
  • RUB 173.84
  • EUR 10772.44

Rossiyadagi “Agora”huquqni himoya qilish xalqaro tashkiloti rahbari Pavel Chikov ma’lum qilishicha, Rossiya Federal xavfsizlik xizmati rossiyaliklarga mamlakatdan chiqishni taqiqlashni boshlagan.

Arxiv

Arxiv
Foto: “RIA Novosti”

Chikov Qozog‘iston bilan chegarada — Kurgan viloyatidagi chegara punktida va Saratov viloyatidagi chegara punktida chegarachilar tomonidan berilgan ikkita rad javobi suratlarini ilova qildi.

Ikkala hujjatda ham bu odamlarga harbiy komissariatlar qarori asosida Rossiyadan chiqib ketishga ruxsat berilmagani aytilgan.

“Pogrankontrol” Telegram-kanali obunachilaridan kamida besh kishi ham Rossiya-Qozog‘iston chegarasi orqali chiqib ketishga ruxsat berilmagani haqida ma’lum qildi.

21-sentabr kuni safarbarlik boshlanganidan keyin Rossiyaning ba’zi qo‘shni mamlakatlar bilan chegaralarida navbatlar yuzaga keldi. Shundan keyin Gruziya va Qozog‘iston bilan chegaralarda ayrim odamlarga Rossiyadan chiqib ketish taqiqlangani haqida tasdiqlanmagan xabarlar paydo bo‘ldi.

Dastlab Rossiya hududlaridagi harbiy komissarlar safarbarlik bo‘yicha armiyaga chaqirilishi kerak bo‘lgan odamlarga o‘z shahri yoki tumanini tark etishni taqiqlagandi, biroq 23-sentabrga kelib, ularning buyruqlarida Rossiyadan chiqish ketishga nisbatan taqiqlar paydo bo‘ldi.

Meduza manbalari ma’lum qilishicha, DXR, LXR va Ukrainaning Xerson va Zaporojye viloyatlaridagi bosib olingan hududlarda “referendum” tugaganidan keyin safarbarlik yoshidagi erkaklarga Rossiyadan chiqib ketish taqiqlanishi kutilmoqda. Taqiq 28-sentabr kuni kiritilishi mumkin.

Rossiyada nimalar bo‘lyapti?

21-sentabr kuni Rossiya prezidenti Vladimir Putin Rossiyada qisman safarbarlik e’lon qilish haqidagi farmonni imzoladi. “Vatanimiz, yaxlitligimizni himoya qilish uchun qisman safarbarlikni qo‘llab-quvvatlash zarur, deb hisoblayman”, — dedi Rossiya rahbari.

Rossiya mudofaa vaziri Sergey Shoyguning aytishicha, qisman safarbarlik chog‘ida 300 ming zaxiradagi askar chaqiriladi. Uning so‘zlariga ko‘ra, bu Rossiya safarbarlik resursining taxminan 1 foizini tashkil qiladi. Xizmat o‘tab bo‘lgan, harbiy-hisob mutaxassisligi va jangovar tajribaga ega bo‘lganlargina chaqiriladi. Talabalar va shoshilinch xizmat harbiy xizmatchilari safarbar etilmaydi, degan edi Shoygu.

Armiyaga chaqiriladigan odamlar soni ko‘rsatilgan band safarbarlik haqidagi farmonda maxfiylashtirib qo‘yilgan. “Novaya gazeta. Yevropa” nashri xabariga ko‘ra, ushbu bandda bir million kishi armiyaga chaqirilishi haqida aytiladi. Meduza’ning federal vazirliklardan biriga yaqin manbasi aytib berishicha, armiyaga 1,2 million kishini chaqirish rejalashtirilmoqda.

Safarbarlik yoshi qanaqa?

Hukumat bayonotiga ko‘ra, Rossiyada birinchi navbatda 35 yoshgacha oddiy askarlar va serjantlar, 50 yoshgacha bo‘lgan kichik ofitserlar, 55 yoshgacha bo‘lgan katta ofitserlar safarbar etiladi. Ayni vaqtda, askarlar va serjantlar 50 yoshgacha, katta ofitserlar esa 70 yoshgacha zaxirada turadi.

Izoh

Ахмаджон Жабборов

26.09.2022, 13:35

Narhichi.

Asosiy yangiliklar
Mahalliy
Nukus voqealari bo‘yicha sudlangan Polat Shamshetov tergov hibsxonasida vafot etdi
Dunyo
Turkiyada 7,4 magnitudali zilzila yuz berdi
Dunyo
Moskva metrosidagi eng yirik terakt, Olimpiada o‘yinlariga mezbonlik qilgan Gitler va 25 yoshida Britaniya taxtiga o‘tirgan Yelizaveta. Kun xronologiyasida 6-fevra...