Россияга қарши янги санкциялар пакетини тайёрлашда ЕИга аъзо 27 давлатнинг бештаси мамлакатдан олмос импортини тўхтатишни таклиф қилган. Бу ҳақда Reuters хабар бермоқда.
Ҳар қандай санкция киритишда 27 та давлатнинг ҳар бирини розилиги талаб қилинади. Аввалроқ дунёдаги энг йирик олмос савдо маркази Антверпенъга эга Бельгия бу таклифни рад этган эди.
Янги чора-тадбирлар талаби Россия президенти Владимир Путин ўтган ҳафта қисман ҳарбий сафарбарлик тўғрисида буйруқ бериб, Украина шарқининг бир қисмини аннексия қилишга киришганидан кейин кўриб чиқилган.
Европа Комиссияси шу ҳафта аъзо давлатларга қўшимча санкциялар бўйича расмий таклифни тақдим этиши кутилмоқда.
Польша, Ирландия, Литва, Эстония ва Латвия дунёдаги энг йирик олмос ишлаб чиқарувчиси бўлган Россиядан олмос импортини тақиқлашни таклиф қилди.
Жаҳон олмос маркази Антверпен санкциялар бизнесни 30 фоизга қисқартиришини, бу эса рақиб савдо марказларига фойда келтиришини билдирди ва уларга Россия олмоси керакми ёки йўқлигини ўзлари ҳал қилишига рухсат берилиши кераклигини қўшимча қилди.
Россияга қарши янги чораларни тайёрлашда иштирок этган Европа Иттифоқи расмийси ва дипломат Бельгия ветосини бекор қилиши мумкинлигини айтди.
Аввалроқ Россия олмосларини бошқа давлатларга махфий равишда сотаётгани ҳақида хабар берилганди.
Изоҳ (0)