АҚШдан ҳар куни Европага 1 миллион баррелдан ортиқ нефть етказиб берилиши режалаштирилган. Бу ҳақда Витол нефть трейдери директори Рассел Ҳардига таяниб «Коммерсантъ» хабар бермоқда.
АҚШдан катта миқдордаги нефтнинг етказиб берилиши, Россиядан етказиб берилган нефтнинг ўрнини босиши керак.
Ҳардининг аниқлик киритишича, Россия хом ашёси Буюк Британия, АҚШ ва Европа Иттифоқидан ташқарида «уй топиши керак».
У узоқ масофаларни босиб ўтади ва янги бозорларни топади. Шу билан бирга Россия нефти чегирма билан сотилиши керак бўлади, — дейди Ҳарди 38-Осиё—Тинч океани нефть конференциясида.
Украинадаги жанговар ҳаракатлардан олдин Россия нефть экспортининг 60 фоиздан ортиғи Европа Иттифоқи ҳиссасига тўғри келган.
2021 йилда Европа Иттифоқи Россиядан кунига 2,2 миллион баррель табиий ва 1,2 миллион баррель хом нефть олган.
Санкциялар доирасида Европа Иттифоқи 5 декабрдан кучга кирадиган Россия нефтига эмбарго жорий этишга қарор қилди.
Иттифоқ, шунингдек, Россия нефти нархининг чегарасини ҳам муҳокама қилмоқда. Россия Энергетика вазирлиги нефть ёки газни чекланган нархда сотишни истисно қилди.
Изоҳ (0)