Bugun,

  • USD 11014.01
  • RUB 191.8
  • EUR 10674.78

Belgiya va Hindistonning bir nechta kompaniyalari Rossiyaning dunyodagi eng yirik olmos ishlab chiqaruvchisi Alrosa’ga qarshi G‘arb sanksiyalariga qaramay, mamlakatdan olmos sotib olishda davom etmoqda. Bu haqda Forbes xabar bermoqda.

Foto: Bloomberg

Foto: Bloomberg

Ma’lumotlarga ko‘ra, 10 ga yaqin kompaniya qimmatbaho toshlarni millionlab dollarga sotib olish bo‘yicha “maxfiy bitim” tuzmoqda.

Har oy yuzlab million dollarga teng bo‘lgan Rossiya olmoslarining yashirin savdosi Mumbaydagi zavodlardan tortib Nyu-Yorkning Beshinchi avenyusidagi hashamatli do‘konlargacha bo‘lgan global savdoni buzmoqda, — deb yozadi Bloomberg.

Rossiya olmoslarining eng yirik xaridorlari Hindistonning Kiran Gems va Shree Ramkrishna Eksports Pvt kompaniyalari hisoblanadi.

Taxminlarga ko‘ra, sayqallangandan so‘ng, qimmatbaho toshlar Xitoy, Yaponiya va Hindistonga yuboriladi. Mamlakatlar hali Rossiya olmosidan voz kechmagan, ular birgalikda sayqallangan olmosga global talabning qariyb 30 foizini tashkil qiladi.

Biroq olmoslar eksportini kuzatish deyarli mumkin emas, shuning uchun Rossiyadan kelgan toshlar G‘arb bozorlariga yetib kelishi mumkin.

Ba’zi yirik Yevropa brendlari hatto Alrosa’ning asosiy raqobatchisi Britaniyaning De Beyers kompaniyasidan o‘zi ishongan yetkazib beruvchilarga sotishni ko‘paytirishni so‘ragan.

Kompaniya bunga urinib ko‘rdi, ammo talabni qoplash uchun yetarli zaxiraga ega emasligi pand berdi.

AQSH, Yevropa Ittifoqi va Buyuk Britaniya mart oyida Rossiya olmos sanoatiga qarshi sanksiyalar kiritib, sanoat olmoslaridan tashqari barcha turdagi olmoslarni import qilishni taqiqlagan.

Alrosa ham cheklovlar ostida qoldi: mart oyining boshidan AQSHda aksiyalar va obligatsiyalar chiqarish orqali kapitalni jalb qilish taqiqlangan edi. Kompaniya bosh direktori Sergey Ivanov esa sanksiyalarga uchradi.

Aprel oyida AQSH Alrosa’ga qarshi sanksiyalarni kengaytirib, kompaniyaning AQSHdagi aktivlarini bloklagan edi.

Shundan so‘ng Yevropa va Yaqin Sharq banklarining aksariyati Alrosa mahsulotlarini sotib olish bo‘yicha tranzak-siyalarni moliyalashtirishdan bosh tortdi, biroq Hindistonning bir qancha banklari boshqa valyutalarda — birinchi navbatda yevro va rupiyda operatsiyalarni amalga oshirishda davom etdi.

Izoh
Asosiy yangiliklar
Mahalliy
Bekobod tumanida chiqindixona 15–20 kundan beri yonib, aholi tutundan aziyat chekayotgani aytildi (video)
Mahalliy
Saida Mirziyoyeva AQSH davlat kotibi yordamchisi v.b. Elizabet Tryudo bilan uchrashdi (foto)
Dunyo
Rossiyada safarbarlikdan bosh tortish bo‘yicha birinchi jinoyat ishi qo‘zg‘atildi