Бу муаммони бартараф этишда бодринг бўлаклари аллақачон классикага айланган. У ҳақиқатан ҳам ёрдам беради. Аммо уйда ёки яқин атрофда бодринг бўлмаса нима қилиш керак? Айниқса эрталабда кўз остида қора доғлар пайдо бўлганида? «Новий очаг» нашри ушбу муаммони ҳал этишга ёрдам берадиган 5 хил ниқоб рецепти билан бўлишди.
Картошка
Маълум бўлишича, картошка бўлаклари ҳам бодринг каби самарали. Хом картошкада витаминлар кўп бўлиб, унинг бўлаклари кўзни совитади ва шиш ва қорайишни кетказади. Албатта, картошка музлаткич ёки совуқ жойдан олиниши керак.
Петрушка
Агар ошхонада бодринг ҳамда картошка ҳам топилмаса, петрушкали ниқоб бу борада ёрдамга келади. Кўкатлар майдаланиб, стаканга солинади ва устидан оз миқдорда қайноқ сув қуйилади. Петрушканинг шарбати чиққач, совитишга қўйилади. Ушбу витаминга бой ниқоб дарҳол самара бериши шубҳасиз.
Зарчава
Даволовчи таъсирга қўшимча равишда, зарчава терини бироз ёрқинлаштиради. Бир чой қошиқ зарчава кислотали шарбат (олма, апельсин ёки ананас) билан аралаштириб, тери юзасига қўлланади, кўзларга жуда яқинлаштирмаслик учун эҳтиёт бўлиш лозим. 10 дақиқадан сўнг, ниқоб илиқ нам мато билан артиб олинади.
Чой пакетлари
Кофеин ва танинлар организм учун фойдали. Улар қон томирларини қисқартиради ва ташқи томондан тери учун ижобий таъсир қилади. Атиги иккита чой пакетини музлаткичга 20 дақиқага қўйиб, кейин улардан ниқоб сифатида фойдаланиш мумкин.
Сут
Сут кислотаси, оқсил, аминокислота ва антиоксидантлар мажмуаси нафақат терини ёрқинлаштиради, балки уни юмшатади ва намлайди. Кўз остидаги халтачаларни олиб ташлаш учун пахта совуқ сут билан намланади ва 10 дақиқа давомида кўзларга компресс қилинади. Сўнгра юз ювилади.
Изоҳ (0)