Юз териси учун намлантирувчи кремдан қандай фойдаланиш керак? «Новий очаг» нашри бу борада бир нечта сирлар билан бўлишди.
Қуруқ терига намлантирувчи крем ишлатманг
Юз терисини қандай намлаш керак? Крем юз ювилгандан сўнг дарҳол қўлланилиши лозим. Агар тери нам бўлганда ушбу жараён амалга оширилмаса, намликни ушлаб туриш имконияти қўлдан бой берилади, намлик буғланади.
Агар юз териси ёғли бўлса, намлантирувчи кремдан фойдаланинг
Кўпчилик ёғли юз терисини намлаш керак эмас деб ўйлайди. Аслида бундай эмас. Юз ювилгандан сўнг дарҳол тери намланмаса, тери қуришини қоплаш учун ёғни кўпроқ ажрата бошлайди. Тери ялтираб кўринмаслиги учун ёғсиз намлантирувчи ва энг яхши тональ кремлардан фойдаланиш тавсия этилади.
Кремни мулойимлик билан қўлланг
Уй шароитида юзни қандай намлаш керак? Агар крем енгил ҳаракат билан эмас, балки ишқалаш усули билан суртилса, тери чўзилади ва ажинлар пайдо бўлиши тезлашади. Бу кўпроқ кўз атрофидаги жойлар ва қуруқ тери учун тегишли.
Бўйинни намлашни унутманг
Ёш ўтганининг энг даҳшатли белгиси — бўйин ва деколте ажинлари бўлган силлиқ юз. Намлантирувчи юз креми бу соҳага мос келади, лекин махсус кремлардан ҳам фойдаланиш мумкин. Асосийси бўйин соҳасига ҳар куни юз каби ғамхўрлик қилишдир.
Самарали крем ҳар доим ҳам қиммат нархга эга эмас
Юз терисини парвариш қилиш воситаларига келганда энг қиммат нархдагиларни харид қилиш шарт эмас. Уларнинг ҳаммаси ҳам мўъжиза яратмайди. Сотиб олиш учун кўплаб яхши намлантирувчи кремлар мавжуд. Улар нарх ва сифат борасида ҳам барчага мос келади.
Изоҳ (0)