Клайв Льюиснинг сеҳрли Нарния ўлкаси ҳақидаги асари асосида суратга олинган фильм бир неча йиллардан буён ўз мухлисларига эга. Томошабинлар ҳозиргача фильмнинг «Арслон, жодугар ва жавон», «Шаҳзода Каспиан» ва «Тонг юлдузининг саёҳати» қисмларидаги Люси Певенси ролини ижро этган кичкинтой қизалоқни эслашади.
Кастингда бу ролга деярли икки мингга яқин бошқа даъвогарларни четлаб ўтган 10 ёшли британиялик Жоржи Хэнли фильмнинг биринчи қисмида Люси ролини ўйнади ва бирданига иккита: Phoenix Film Critics Society ва Young Artist мукофотларини қўлга киритди. Бироқ у машҳур фильмдаги қизалоқ образи билан тўхталиб қолмади: актриса 2014 йилда, бир вақтнинг ўзида иккита лойиҳада — «Туннинг опа-сингиллиги» ва «Мактаб лойиҳаси»да рол ижро этди, бу унга турли хил образларда ўзини синаб кўриб қобилиятини намойиш этишга имконият берди. Жоржи Хэнли фильмларда суратга тушаётган пайтда Кембрижда инглиз тили ва адабиётини ҳам ўрганди.
Фильмларда суратга тушишдан ташқари Жоржи ўзини театр саҳнасида синаб кўрди ва «Пенелопиада» ва «А Clockwork Orange» спектаклларида ҳам рол ўйнади. Актриса 2019 йилда «Испан маликаси» деб номланган тарихий сериалнинг актёрлар таркибига қўшилди ва Маргарита Тюдор образини гавдалантирди.
Ҳозирда 27 ёшли актриса адабиётда ва ҳатто режиссёрликда ҳам ўзини синаб кўрмоқда.
Мавзуга доир: «Нарния салтанати» фильмининг ёш қаҳрамонлари 15 йилдан сўнг (фото).
Изоҳ (0)