«Дунё гўзали» унвонини ҳиндистонлик Айшвария Рай 28 йил олдин қўлга киритган. Шунингдек, актриса гўзаллик саноатида (у L’Oreal гўзаллик элчисининг доимий унвонига эга) ва кинода муваффақиятли карьера қуришга эришган бир нечта машҳур танловлар ғолибларидан биридир. У қисқа вақт ичида Болливуднинг энг яхши актрисаларидан бирига айланди ва ҳозир ҳам ўз фаолиятини давом эттирмоқда, деб ёзади Elle.
Яқинда Мумбайда актриса иштирокидаги «PS1» (Ponniyin Selvan) номли янги картинанинг премьераси бўлиб ўтди. Бу ҳинд-тамил тилидаги эпик жанговар фильм бўлиб, у 2022 йил 30 сентябрда чиқарилади. Янги фильми тақдимотида Айшвария қўл меҳнати ёрдамида ишланган санъат асарига ўхшаш марваридли сарида кўриниш берди. Мазкур либосни яратиш учун кўп вақт ва қўл меҳнати талаб қилингани шубҳасиз.
Рай кўринишидан мутлақо бахтли эди ва барча мухлислари билан қўлларини кўксида қовуштирган ҳолда саломлашди — бу миннатдорчилик, ҳамдардлик ва яхшиликка ишора.
Изоҳ (0)