Ўзбекистондаги «Ягона умумреспублика процессинг маркази» — UzCard МИР тўлов тизими карталарига хизмат кўрсатишни тўхтатди. Бу ҳақда UzCard расмий сайтида хабар берилди.
UzCard тўлов тизими иштирокчиси томонидан амалга оширилаётган зарур техник сабабларга кўра, 2022 йил 23 сентябрь соат 09:00 дан бошлаб МИР карталарига хизмат кўрсатишни тўхтатади.
Шунингдек UzCard—МИР кобейжинг карталарига хорижда ишлаши ҳам вақтинча тўхтатилади.
Компаниянинг маълум қилишича, UzCard—МИР кобейжинг карталари Ўзбекистон ҳудудида одатдагидек ишлашда давом этади. Улар UzCard тўлов тизимининг бутун инфратузилмаси бўйлаб қабул қилинади.
Жорий йилнинг март ойида UzCard техник сабабларга кўра МИР карталарига хизмат кўрсатишни тўхтатиб қўйган эди. Кейинчалик 1 августдан МИР карталаридан пул ўтказмалари қайта тикланган.
Аввалроқ Ўзбекистонда МИР карталарига хизмат кўрсатилмаётгани ҳақида хабарлар тарқалган эди.
АҚШ МИР карталари туфайли хорижий банклар учун санкциялар хавфини эълон қилган.
Бунинг ортидан Туркиянинг иккита йирик банки МИР карталари билан операцияларни тўхтатган эди.
Кейинчалик Қозоғистон ва Вьетнам банклари ҳам МИР карталарига хизмат кўрсатмаслигини маълум қилган.
Изоҳ (0)