Ўзбекистоннинг туризм салоҳиятини ошириш, янги қурилган Самарқанд халқаро аэропорти имкониятларидан тўлақонли фойдаланиш ҳамда авиаташувлар бозорида рақобат муҳитини ривожлантириш мақсадида 1 октябрдан Самарқанд халқаро аэропортида «Очиқ осмон» режими жорий этилади. Бу ҳақда Транспорт вазирлиги хабар қилди.
Қайд этилишича, «Очиқ осмон» режими Самарқанд халқаро аэропортининг техник имкониятларини инобатга олган ҳолда халқаро ҳуқуқ меъёрларига мувофиқ хорижий авиакомпаниялар учун рейслар ва йўналишлар бўйича чекловларнинг бекор қилинишини англатади.
Эндиликда хорижий авиакомпаниялар ҳаво қатнови тўғрисидаги ҳукуматлараро битимнинг мавжуд ёки мавжуд эмаслигидан қатъий назар Самарқанд халқаро аэропортига авиақатновларни амалга ошира олади.
Самарқанд халқаро аэропортида янги тартибнинг жорий этилгани тўғрисида чет эл авиация маъмуриятлари ўрнатилган тартибда хабардор этилган.
Изоҳ (0)