O‘zbekistonning turizm salohiyatini oshirish, yangi qurilgan Samarqand xalqaro aeroporti imkoniyatlaridan to‘laqonli foydalanish hamda aviatashuvlar bozorida raqobat muhitini rivojlantirish maqsadida 1-oktabrdan Samarqand xalqaro aeroportida “Ochiq osmon” rejimi joriy etiladi. Bu haqda Transport vazirligi xabar qildi.
Qayd etilishicha, “Ochiq osmon” rejimi Samarqand xalqaro aeroportining texnik imkoniyatlarini inobatga olgan holda xalqaro huquq me’yorlariga muvofiq xorijiy aviakompaniyalar uchun reyslar va yo‘nalishlar bo‘yicha cheklovlarning bekor qilinishini anglatadi.
Endilikda xorijiy aviakompaniyalar havo qatnovi to‘g‘risidagi hukumatlararo bitimning mavjud yoki mavjud emasligidan qat’iy nazar Samarqand xalqaro aeroportiga aviaqatnovlarni amalga oshira oladi.
Samarqand xalqaro aeroportida yangi tartibning joriy etilgani to‘g‘risida chet el aviatsiya ma’muriyatlari o‘rnatilgan tartibda xabardor etilgan.
Izoh (0)