Ўзбекистонда 387 та паррандачилик корхонасига 221,1 миллиард сўм субсидиялар берилди. Бу ҳақда АОКАда «Паррандасаноат» уюшмаси раиси ва мутасаддилари иштирокида ўтказилган матбуот анжуманида маълум қилинди.
Қайд этилишича, республикада 1300 дан ортиқ корхона мавжуд бўлиб, улар томонидан 2022 йилнинг 8 ойида 5,05 миллиард дона тухум (йиллик прогнозга нисбатан 60,1 фоиз кўп) ҳамда 359,7 минг тонна (йиллик прогнозга нисбатан 60 фоиз кўп) парранда гўшти ишлаб чиқарилди.
Вазирлар Маҳкамасининг 2021 йил 12 июлдаги 434-сонли қарорига асосан паррандачилик корхоналарига реализация қилган маҳсулотлари учун субсидиялар ажратилмоқда. Бугунги кунгача жами 387 та паррандачилик корхонасига 221, 1 миллиард сўм, шундан — парранда гўшти етиштирувчи 230 та корхонага 67,5 минг тонна учун 165, 8 миллиард сўм, тухум ишлаб чиқарувчи 157 та корхонага 1,1 миллиард дона тухум учун 55,61 миллиард сўм маблағ берилди.
Изоҳ (0)