Фарғона вилояти Ўзбекистон туманидаги савдо дўконидан кийим-кечак ўғирлаган аёл ушланди. Бу ҳақда вилоят ички ишлар бошқармаси ахборот хизмати хабар берди.
Маълум қилинишича, фуқаро С.Н. ИИБга мурожаат қилиб, унда 13 апрель куни номаълум шахс Ибн Сино кўчасида жойлашган савдо дўконида қаровсиз қолдирган, нархи 1,5 миллион сўмлик аёллар кийим-кечакларини ўғирлаб, ҳодиса жойидан яширинганини маълум қилган.
Мазкур ҳолат юзасидан туман ИИБ ҳузуридаги тергов бўлими томонидан Жиноят кодексининг 169-моддаси 1-қисми (ўғрилик) билан жинояти иши қўзғатилган. Олиб борилган тезкор суриштирув ишлари давомида ушбу жиноятни Ф.Н. исмли аёл содир этгани аниқланиб, тергов ҳаракатлари олиб борилмоқда.
Юқорида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Изоҳ (0)