Туркия Марказий банки (TCMB) асосий ставкасини 100 базавий пунктга пасайтириб, 12 фоизга туширди. Бу ҳақда банк матбуот хизмати хабар бермоқда.
Қайд этилишича, қарор глобал иқтисодий фаолликнинг секинлашиши фонида қабул қилинган.
Геосиёсий хатарларнинг бутун дунё бўйлаб иқтисодий фаолиятга сусайтирувчи таъсири кучайишда давом этмоқда. Келгуси давр учун глобал ўсиш прогнозлари пастга қараб янгиланишда давом этмоқда ва рецессия муқаррар хавф омили эканлиги ҳақидаги тахминлар кенг тарқалмоқда, — дейилади банк хабарида.
Туркия регуляторининг маълум қилишича, энергия нархларининг ошиши ҳамда талаб ва таклиф ўртасидаги номувофиқлик туфайли инфляция кутилганидан узоқроқ ўсишда давом этади.
Август ойида Allianz анд Barclays суғурта компанияси раҳбарларидан бири Моҳамед ал-Эриан Туркияда иқтисодиётнинг асосий қонунлари эътибордан четда қолаётганини айтган эди.
2021 йилнинг ноябрида Туркия президенти Ражаб Тоййиб Эрдўғон ставкаларни пасайтириш учун «курашга» ваъда берган эди.
Бу Ражаб Тоййиб Эрдўғоннинг принципиал позициясидир. Икки йил ичида у регулятор ставкани оширганидан сўнг Марказий банкнинг учта раҳбарини ишдан бўшатган.
Регулятор қароридан сўнг турк лираси долларга нисбатан 0,3 фоизга тушди. Айни пайтда 1 доллар 18,4 лира бўлиб турибди. Марказий банк охирги марта 18 августда асосий ставкани туширган эди.
Изоҳ (0)