Нима учун тирноқларда оқ доғлар пайдо бўлади? Тирноқларнинг саломатлик билан қандай алоқаси бор?

Тирноқлар эгасининг саломатлиги ҳақида кўп нарсаларни маълум қилиши мумкин. Фақат унинг шакли ва рангига қараш лозим, деб ёзади «Новий очаг».

Лейконихия нима?

Шифокорлар тирноқлардаги оқ доғларни лейконихия деб атайди ва кўпчилик ҳаётида камида бир марта бўлса ҳам бу ҳодисага дуч келади. Аслида бу фақат кичик косметик нуқсон, аммо улар пайдо бўлганда шифокор билан маслаҳатлашиш керак.

Одатда, соғлом, синмаган тирноқ тирноқ терига маҳкам ёпишади, шаффоф тузилишга ва бир хил пушти рангга эга бўлади. Аммо баъзида тирноқ пластинкаси остида ҳаво пуфаги кирадиган бўш жой юзага келади. Ушбу оқ нуқталар ёки чизиқ лейконихия деб аталади. Лейконихия қуйидаги ҳолларда намоён бўлади:

Тирноқ жароҳати

Бунинг сабаби қуйидагича бўлиши мумкин:

• тирноқни уриш, тасодифан у оғир нарса билан урилса ёки бирор нарса орасида қолса;
• маникюрни нотўғри амалга ошириш;
• кимёвий моддаларининг салбий таъсири;
• тирноқларни тишлаш одати
• оёқларда лейконихия ноқулай, қаттиқ пойабзал туфайли пайдо бўлиши мумкин.

Баъзи дори ва микроэлементларнинг етишмаслиги

Бунда тирноқларда оқ доғлар пайдо бўлишининг сабаблари қуйидагилар бўиши мумкин.

• муайян антибиотикларни қабул қилиш;
• рух, темир, кальций каби микроэлементларнинг етишмаслиги;
• қўрғошин ёки мишяк билан заҳарланиш;
• кимётерапия.

Лейконихиянинг сабаби органнизмдаги тизимли носозликлар бўлиши мумкин:

• темир танқислиги камқонлиги;
• рух ёки кальций етишмовчилиги;
• буйрак касаллиги;
• жигар касаллиги;
• юрак етишмовчилиги;
• қалқонсимон без муаммолар;
• экзема ёки пориаз касаллиги каби тери касалликлари;
• тирноқларда замбуруғ пайдо бўлиши.

Шуни айтиб ўтиш керакки, бир ёки икки кун ичида қўл ва оёқларнинг тирноқларидаги оқ доғлардан қутулиш мумкин эмас, ҳар қандай ҳолатда ҳам вақт керак бўлади.

Агар лейконихиянинг сабаби жароҳат бўлса, кўпроқ вақт талаб этилади. Тирноқ яна ўсади ва у билан оқ доғ ва чизиқлар йўқолади. Аммо оқ нуқта ва кўндаланг чизиқлар қайта-қайта пайдо бўлса, шифокор билан маслаҳатлашиш керак. Терапевт оқ доғлар пайдо бўлишининг сабабини аниқлайди, ташхис қўяди ва асосий касалликни даволашни бошлайди. Баъзида лейконихия пайдо бўлишига сабаб бўлган дори-дармонларни ўзгартириш кифоя қилади ва тирноқларда оқ доғлар йўқолади.

Тирноқларнинг ҳолатидан яна қандай муаммоларни билиб олиш мумкин?

• Диққатли мутахассис, масалан, тирноқ пластинкасининг ўсиб чиққан четининг мўртлиги кучайганини сезади. Бу одамда ёғда эрийдиган А ва Э витаминлари йўқ деган хулосани беради.
• Аммо бутун тирноқ пластинкаси бўйлаб жойлашган кичик инексия белгиларига ўхшаш нуқтали чуқурчалар кўпинча псориаз ёки экземадан дарак беради.
• Тирноқларнинг ранги қондаги кислород миқдорини кўрсатади. Бу ўпка ва юрак-қон томир тизими касалликлари, шунингдек, темир танқислиги анемиясидс содир бўлади.
• Қандай бўлмасин, вақти билан тирноқлар юзасидан оқ доғлар йўқолиб кетмаса, шифокор кўригидан ўтиш тавсия этилади.