Замонавий кичик-инвазив жарроҳликнинг ривожланишидаги муҳим босқичи, роботлаштирилган тизимдан фойдаланиш бўлди. Бугунги кунда ундан тиббиётнинг турли йўналишларида фойдаланилмолқда. Жумладан, онкология, урология, гинекология, гастроэнтерология, умумий жарроҳлик ҳамда колоректал ва пластик жарроҳликда. Робот-жарроҳ томонидан амалга ошириладиган жарроҳлик амалиётининг афзаллиги шундаки, улар соғлом тўқималарга минимал шикаст етказиш ва кам қон йўқотиш йўли билан амалга оширилади.
Шу туфайли турли ҳил хавфлар камаяди ва реабилитация даврининг довомийлиги қисқаради. Бундан ташқари, жарроҳлик операциясидан кейинги оғриқ нисбатан кам сезилади ва чандиқлар яққол намоён бўлмайди. Бундан ташқари, робот-жаррорҳнинг кенг визуал имкониятлари туфайли барча манипуляциялар ниҳоятда аниқ бажарилади. Хусусан, ушбу тизим орқали жарроҳлар тананинг ичкарисини уч ўлчамли тасвир ёрдамида кўра олишлари мумкин бўлади. Роботнинг жарроҳлик асбоблари кичик ўлчамли бўлиб, инсон қўлига қараганда анча катта диапазонда эгилиб, айлана олади.
Ўзининг тузилишига кўра, ушбу робот тизими иккита блокдан иборат: оператор-жарроҳ учун консол ва тўртта «қўлли» робот ускуна. Ушбу ускуна тўртта ишчи асбобни ўз ичига олади: улардан бири камера, қолганлари эса шифокорга керак бўлган у ёки бу жарроҳлик воситаларидир. Жарроҳ ўз консолида жойлашиб олиб, консол унга ички органларнинг 3D катталаштирилган тасвирини тақдим этади ва маҳсус жойстикларни ҳаракатга келтиради.
Уларнинг ҳаракатлари эса тутқичлар тизими орқали робот асбобларга узатилдади. Робот - жарроҳ қила оладиган ҳар қандай ҳаракатни бажара олади, лекин нисбатан паст амплитудада. Бу эса робот томонидан амалга ошириладиган ҳаракатлар нихоятда аниқ бажарилиши туфайли юқори баҳоланади. Жарроҳнинг жойлашуви кўпчиликка маълум бўлган лапароскопик жарроҳликдан тубдан фарқ қилади. Хусусан, шифокор жарроҳлик амалиёти столи қаршисида туриб, операция пайтида ишлатиладиган асбобларни бевосита қўли билан ушлаб, олдида турган экранга қарайди. Робот ёрдамида амалга ошириладиган операция вақтида эса жарроҳ консолдаги қулай стулда, барча диққатини операцияда жамлаш имконияти бўладиган шароитда ўтиради.
Хўш, роботлаштирилган жаррорҳлик операцияси қандай бажарилади? Биринчидан, жарроҳ беморнинг танасига кичик ҳажмдаги асбоблар ва юқори аниқликдаги камерани киритиш учун бир-нечта майда кесмалар қилади. Камера шифокорга жарроҳлик майдонининг кенгайтирилган, юқори аниқликдаги, уч ўлчамли тасвирини олиш имконини беради. Сўнгра эргономик консолда қулай жойлашган жарроҳ 3D тасвир ва қўлидаги асбобларни бошқариш дастаги билан кўриш назорати остида манипуляцияларни амалга оширади. Тизим реал вақт режимида жарроҳ ҳаракатларини бемор ичидаги асбобларнинг аниқ ҳаракатларига айлантиради. Операция давомида жарроҳ ҳар бир жаррорҳлик муолажасини назорат қилади. Тизимни жарроҳнинг иштирокисиз дастурлаш ёки бирон-бир тарзда ишлатиш мумкин бўлмайди.
Робот-жарроҳ илк маротаба 2000 йилда АҚШда қўлланилган, шундан сўнг бу технология деярли бутун дунёда – Европа, Жанубий Корея, Япония, Сингапур, Россия ва ниҳоят, Ўзбекистонда машҳур бўла бошлади. Бугунги кунда Shox International Hospital нафақат Ўзбекистонда, балки бутун Ўрта Осиё ҳудудида ҳам шундай роботлаштирилган қурилма ўрнатилган ягона клиника ҳисобланади. Таъкидлаш жоизки, клиникамизда янги технологияни жорий этиш масаласига ўта жиддий масъулият билан ёндашилди: ушбу йўналишнинг профессионалларидан бири, профессор ўз жамоаси билан Жанубий Кореядан ходимларимизни ўқитишга таклиф этилди.
Айни пайтда клиникамиздаги жарроҳлик амалиёти билан шуғилланувчи барча ходимлар ўз малакасини ошириш билан банд. Негаки операцияда бутун жамоа иштирок этади ва амалиёт натижаси ва беморнинг саломатлиги ҳар бирининг касбий маҳоратига боғлиқ. Шох International Hospital Ўрта Осиёдаги робот-жарроҳ ўрнатилган ягона клиника бўлгани учун келгусида клиникамизда ушбу тизим ёрдамида бажариладиган жарроҳлик амалиётлар кенг йўлга қўйилади. Биз учун роботлаштирилган жарроҳлик эндиликда янги технология бўлмай қолади. Клиникамиз ушбу турдаги жарроҳлик муолажани тўлиқ ўзлаштириш ва мунтазам амалиётимизга жорий этишни режалаштирган. Клиникада ҳар қандай операция ноёб ҳисобланади. Ҳар сафар ҳар янги бемор билан операциянинг индивидуал курси ишлаб чиқилади.
Бугун биз ўз олдимизга учта асосий мақсадни қўйдик: яъни, ҳар қандай жарроҳлик муолажасини бошлашдан олдин, биринчиси, ўсимтани яна такрорланмаслиги учун бутунлай олиб ташлаш, иккинчиси – асаб тугунларига, сийдик ажратиш тизимига ва бемор ҳаёти учун муҳим бўлган бошқа органларга таъсир қилмаслик, учинчидан, беморнинг тез тикланиши ва буткул соғайиб кетишини таъминлаш учун минимал қон йўқотиш билан жарроҳлик амалиётини амалга оширишдир. Бунда эса бизга робот-жарроҳ ёрдам беради.
Миркомилов Миразиз Нодир ўғли
Шох International Hospital тижорат директори
Реклама ҳуқуқи асосида.
Изоҳ (0)