Ўқув йилининг бошида кўпчилик фойдаланувчилар Kundalik платформаси, унинг имкониятлари, бошқарув ва обуналар билан биринчи маротаба танишадилар. Компания вакиллари ижтимоий тармоқлар ва ОАВда тез-тез учраб турадиган саволларга батафсил жавоб беришга ҳаракат қилишди.
Ўзбекистонда «Kundalik» тизими нима учун керак?
«Kundalik» лойиҳасининг мақсадлари – таълим жараёнининг барча иштирокчиларини замонавий технологиялардан тенг фойдаланишни таъминлаган ҳолда ягона ахборот муҳитига бирлаштириш, рақамли тафовутни бартараф этиш, Ўзбекистондаги мактабларнинг таълим сифатини ошириш ва ўқувчиларнинг ютуқларни қайд этиш тизимини такомиллаштиришдан иборатдир.
Мазкур мақсадларга таълим ва бошқарув фаолияти жараёнларига рақамли воситаларни жорий этиш орқали эришилади.
Kundalik тизими қуйидаги имкониятларни тақдим этади:
- фойдаланувчиларни (ўқувчиларнинг ота-оналари ва қонуний вакилларини) ўзлаштириши ва давомат тўғрисида хабардор қилиш;
- мактаб дарс жадвалини юритиш;
- уй вазифасини бериш;
- файллар ва шахсий хабарлар алмашинувини ташкил этиш;
- мактаблар ва таълим органлари учун ҳисоботлар тайёрлашни автоматлаштириш.
«Kundalik» ўқувчилар ва ота-оналар учун туну-кун баҳолар ва уй вазифалари билан танишиш имкониятини, болаларнинг қаердалигини, ўзлаштириш рейтингини, алоқа учун хавфсиз тармоқ ва бошқа функциялардан фойдаланишни таклиф этади.
«Kundalik» фаолияти Ўзбекистон Республикаси Президентининг 2020 йил 5 октябрдаги «Рақамли Ўзбекистон – 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон фармони асосида амалга оширилмоқда.
Қоғоз кундалик таълим соҳасидаги замонавий талабларга жавоб бермайди, электрон шакли эса, аксинча, таълим имкониятларини кенгайтириш ва фанларни ўрганиш, мотивация, мактаб ҳаётини кузатиш учун қўшимча мултимедиа воситаларини тақдим этиш имконини беради, шунингдек, аҳолининг АКТ-саводхонлиги ривожланишига ҳисса қўшади.
Нима учун фойдаланиш пуллик?
Халқ таълими вазирлиги ва компания ўртасида давлат-хусусий шериклик тўғрисида давлат учун имтиёзли шартлар асосида шартнома имзоланди. Шундай қилиб, «Kundalik» тимсолида хусусий шерик платформани ишлаб чиқиш, уни амалга ошириш, техник таъминлаш, таълим органлари ходимларини ўқитишга сармоя киритади ва бюджет маблағларини сарфламаган ҳолда Давлат хусусий инвестицияларсиз сифатли амалга ошириш мумкин бўлмаган лойиҳаларни ҳаётга татбиқ этиш имкониятига эга бўлади. Ўзбекистон мактабларига «Кундалик»нинг жорий этилиши мамлакатнинг рақамли иқтисодиётга ўтишига хизмат қилмоқда. Шу билан бирга, электрон кундаликнинг нархи қоғоз нархига тенг.
«Kundalik» обунасининг нархи қанча?
2022—2023-ўқув йилида «Kundalik» учун йиллик обуна тўлови 8000 сўмга туширилди, фойдаланувчиларга қулай бўлиши учун иккита пакет тақдим этилди: «Kundalik» ва «PRO Kundalik».
«Kundalik» пакети нархи йилига 8000 сўм туради. Мазкур сумма учун www.kundalik.com веб-сайтида электрон кундалик билан ишлаш ёки «Kundalik.Family» мобил иловаси орқали унинг кенгайтирилган функцияларидан фойдаланмасдан ахборот хабарларини олиш мумкин. Сайтда барча таълим маълумотлари акс эттирилган: баҳолар, жадваллар ва болаларнинг уй вазифалари. Шу билан бирга, «Kundalik» учун ҳар бир болага алоҳида тўлов амалга оширилади.
«PRO Kundalik» пакети нархи йилига 40 000 сўм туради. «PRO Kundalik» обунаси учун тўлов амалга оширилганда оилавий фойдаланиш режими ёқилади: мактаб ҳаёти ҳақида батафсил маълумот олишни хоҳловчи барча оила аъзолари ҳамда мактаб ўқувчилари Kundalik.Family иловасидан чекловларсиз фойдаланишлари мумкин бўлади. Битта обуна – бутун оила учун. Шундай қилиб, бир нечта ўқувчи бўлган оилада «PRO Kundalik» тарифга уланиш таклиф қилинади. Мазкур обуна суммасига сайтдаги электрон кундаликдан фойдаланиш ҳамда «Kundalik.Family» мобил иловасининг кенгайтирилган функциялари киради. Шунингдек «Kundalik.Tracker»ни улаш имконияти мавжуд бўлиб, бу сизга ўқув куни давомида боланинг қаердалигини кузатиш имконини беради.
Нима учун илова ичидаги обуна нархи АҚШ долларида кўрсатилган?
PlayMarket ва AppStore’нинг ўрнатилган обуна механизми сўмни валюта сифатида қўллаб-қувватламайди. Шу муносабат билан иловада тўловни амалга оширишда валюта, сайтда эса сўм кўрсатилган.
Миллий валютада www.kundalik.com веб-сайтига обунани Davr bank, Click, Payme, Humans ва UPay тўлов тизимлари орқали харид қилишингиз мумкин. Нақд пулда тўлашни хоҳловчилар учун бу имконият UPay савдо нуқталарида мавжуд. Агар сиз Humans иловаси орқали 2022 йил сентябрь ойи охиригача тўласангиз, веб-талқин учун тўлиқ обуна суммаси кэшбэк шаклида қайтарилади.
«PRO Kundalik» пакетини бир ойга PlayMarket ёки AppStoreда 0,49 АҚШ доллари эвазига харид қилишингиз мумкин. Илова ва сайтдаги обуна нархи PlayMarket ва AppStore’да валюта курсининг конвертацияси туфайли бироз фарқ қилиши мумкин.
Нима учун ўтган ўқув йилида «Kundalik.Family» иловасига бўлган обуна бекор қилинди?
Обуна бекор қилинмайди. «Kundalik» компанияси фойдаланувчиларга 2021 йил ноябрь ойи охиригача премиум хизмат сифатида илованинг яроқлилигини синаб кўриш имконини берди. Тизимга киришга уринган илова фойдаланувчилари танланган тарифни тўлаши ва тизимга кириши керак. Агар сиз «Kundalik» веб-талқинига обуна бўлсангиз, «PRO Kundalik» тўпламини арзонлаштирилган нархда фаоллаштиришингиз мумкин – бу йилига 31 400 сўмни ташкил этади.
Обуна амалда бўлган вақтда электрон кундалик билан ишлаш учун веб-талқиндан фойдаланиш мумкин.
Тизимда шахсий маълумотлар қаерда сақланади?
Ўзбекистон Республикасининг 2019 йил 2 июлдаги «Шахсга доир маълумотлар тўғрисида»ги ЎРҚ-547-сон қонуни талабларига мувофиқ «Kundalik» МЧЖ серверларни Ўзбекистон давлат телекоммуникация оператори – «Ўзтелеком» АЖдан ижарага олади.
Сайтнинг даврий муаммосиз ишлашини таъминлаш учун қандай чоралар кўрилди?
Барча фойдаланувчилар платформада максимал юкламаларни ҳисобга олган ҳолда қулай ишлашлари учун «Kundalik» компанияси «Ўзтелеком» АЖдан ижарага олинган қувватлардан ташқари, ўз сармоялари ҳисобига замонавий юқори технологияли ускуналарни ҳарид қилишни бошлади. «Kundalik»ка обуна бўлиш ихтиёрий эканлигини инобатга олсак, ускунани ҳарид қилиш: обуна сотиб олувчи фойдаланувчилар сони ортиб бориши ва янги жиҳозларга эҳтиёж туғилиши босқичларга бўлинади.
Бугунги кунга қадар платформанинг узлуксиз ишлашини таъминлаш учун Dell компаниясидан жами 1,07 миллион АҚШ долларига сервер ва тармоқ ускуналари ҳарид қилинди. Ускуналар «Ўзтелеком» АЖ маълумотлар марказига ўрнатилган.
Шунингдек, «Kundalik» платформаси «УЗ» домен зонасида энг кўп ташриф буюриладиган сайтлардан бири бўлганлигини инобатга олиб, яқин келажакда юқори технологияли маълумотларни қайта ишлаш кластерини яратиш режалаштирилмоқда. Бугунги кунга қадар лойиҳа устида ишлашга 100 нафардан ортиқ техник мутахассислар, жумладан дастурчилар, сифат назорати бўйича мутахассислар, техник ёрдам ва тизим маъмурлари жалб этилган.
«Kundalik»ка обуна бўлиш мажбурийми?
Ота-оналар ҳар доим танлаш ҳуқуқига эга, обунани расмийлаштириш ихтиёрийдир. Фақат электрон журналлардан фойдаланиладиган мактабларда болалар учун баҳолар, жадваллар ва уй вазифалари электрон кундаликларда акс эттирилади, бу таълим ташкилотларида қоғоз кундаликлардан фойдаланишмайди. Электрон кундаликка обуна сотиб олишдан бош тортган ҳолда, ота-оналар ўз фарзандларининг мактаб ҳаётига оид баҳолар ва бошқа маълумотларни бевосита мактабга келиб олишлари мумкин. Бугунги кунга қадар Самарқанд, Бухоро, Андижон, Жиззах, Навоий, Наманган, шунингдек Сурхондарё, Қашқадарё, Сирдарё вилоятлари мактаблари тўлиқ қоғозсиз ҳужжат айланишига ўтган бўлиб, ушбу рўйхатда 5 мингдан ортиқ мактаб мавжуд.
Агар сизда саволлар бўлса, фойдаланувчилар техник ёрдам хизматига
Телефон орқали: +998 78 888 82 82,
Почта орқали: team@kundalik.com
Telegram-бот орқали: @Kundalik_support_bot орқали мурожаат қилишлари мумкин.
Kundalik матбуот ҳизматининг электрон манзили: press@kundalik.com.
Реклама ҳуқуқи асосида.
Изоҳ (0)