Украина президентининг рафиқаси Елена Зеленская БМТ Бош Ассамблеясининг 77-сессиясига етиб келди ва ташкилот бош котиби Антониу Гутерриш билан учрашди, деб хабар бермоқда БМТ матбуот хизмати.
«Биринчи хоним урушдан жабр кўрган украиналик аёллар ва болаларни ҳимоя қилиш муҳимлиги ҳақида гапирди», — дейилади хабарда.
БМТ бош котиби билан учрашувда бош вазир Денис Шмигал ҳам қатнашди. Улар ҳарбий ҳаракатларнинг гуманитар вазиятга таъсирини, инсон ҳуқуқларини ва ядро хавфсизлигини муҳокама қилди.
Гутерриш БМТ томонидан Украинага тўлиқ гуманитар кўмак берилишини айтди ва мамлакат вакилларига дон битимидаги иштироки учун миннатдорлик билдирди.
БМТ Бош Ассамблеяси 77-сессияси Нью-Йоркда 20 сентябрь куни бошланган бўлиб, 26-санагача давом этади.
Эслатиб ўтамиз, сессия бошланишидан сал аввалроқ Украина вакиллиги Зеленскийга йиғилишда масофадан туриб нутқ сўзлаш имконини беришни, аниқроғи, унинг нутқидан иборат видеоёзувни намойиш қилишни сўраганди. Украина миссияси буни президент ҳарбий ҳаракатлар туфайли сессияда шахсан иштирок эта олмаслиги билан изоҳлаганди. Кўпчилик мамлакатлар бундай таклифни қўллаб-қувватлади.
Изоҳ (0)