Япония бош вазири Фумио Кисида Шимолий Корея етакчиси Ким Чен Ин билан ҳеч қандай шартларсиз учрашишга тайёрлигини айтди.
«Мен президент Ким Чен Ин билан ҳеч қандай шартларсиз учрашишга аҳд қилдим ва буни амалга ошириш учун ҳеч бир имкониятни қўлдан бермайман», — деди Кисида Бирлашган Миллатлар Ташкилоти Бош Ассамблеясининг 77-сессиясида.
Унинг таъкидлашича, Япония «одам ўғирлаш, ядро ва ракета таҳдидлари каби барча муаммоли масалаларни, шунингдек, ўтмишдан қолган муаммоларни ҳал этиш орқали» Шимолий Корея билан муносабатларни нормаллаштиришга интилмоқда.
БМТ Бош Ассамблеясининг 77-сессияси очилиши 13 сентябрда ўтказилган эди. 20—26 сентябрь кунлари БМТда ташкилотга аъзо давлатлар раҳбарлари ва ташқи ишлар бўлимлари раҳбарлари иштирокида юқори даражадаги ҳафталик бўлиб ўтади.
Изоҳ (0)