Украина президенти Владимир Зеленский биринчи марта Владимир Путин томонидан Россия Федерациясида эълон қилинган қисман сафарбарликка изоҳ берди, деб ёзади «Страна News».
«Унинг ядро қуролдан фойдаланишига ишонмайман. Менимча, дунё унга бу қуролдан фойдаланишга рухсат бермайди».
«Эртага Путин яна айтиб қолиши мумкин: Украинадан ташқари биз Польшанинг бир қисмини хоҳлаймиз, акс ҳолда ядро қуролидан фойдаланамиз. Шундай экан, биз муроса қилмоқчи эмасмиз», — дейди Украина президенти.
Зеленский Россия Федерациясида қисман сафарбарлик жорий этилгани ва босиб олинган ҳудудларда «референдумлар» ўтказилишига ҳам изоҳ берди.
Унинг сўзларига кўра, қисман сафарбарлик Россияда «офицерлар ва бошқа ҳарбий хизматчилар билан муаммолар» борлигини кўрсатади.
«У (Путин) Украинани қонга, балки ўз аскарларининг қонига ҳам ботирмоқчи. У ўз бўлинмалари шунчаки сочилиб кетганини кўрмоқда. Унга бир неча миллион долларлик армия керак. Чунки Украинага кўпчилиги шунчаки қочиб кетаётганини кўриб турибди», — деди Украина раҳбари
Зеленский босиб олинган ҳудудлардаги сохта референдумлар ҳақида гапирар экан, «Биз босқичма-босқич режаларимиз асосида ҳаракат қиламиз. Ишончим комилки, ўз ҳудудимизни озод қиламиз. Референдумларнинг барчаси сафсата, дунёнинг 90 фоизи уларни тан олмайди», — деб айтди.
Изоҳ (0)