Японияда истеъмол нархлари август ойида ўтган йилнинг шу ойига нисбатан 3 фоизга ошди. Бу ҳақда мамлакат Ички ишлар ва коммуникациялар вазирлигига таяниб Reuters хабар бермоқда.
Инфляция июль ойидаги 2,6 фоизга нисбатан тезлашди. Ўсиш суръатлари 2014 йил сентябрь ойидан бери энг юқори кўрсаткичга етди, нархлар кетма-кет ўн иккинчи ой кўтарилмоқда.
Инфляциянинг тезлашиши Украинадаги уруш фонида ёқилғи ва озиқ-овқат нархининг ошиши ва япон иенасининг пасайиши билан боғлиқ.
Мамлакатда истеъмол нархлари июнь ойида 2,4 фоизга ўсганидан кейин август ойида ўтган йилнинг шу даврига нисбатан 2,8 фоизга кўтарилди.
Шу билан бирга, ўсиш суръатлари 2014 йил октябрь ойидан бери энг юқори кўрсаткичга айланди.
Японияда ўтган ойда озиқ-овқат маҳсулотлари 4,7 фоизга, ёқилғи, электр энергияси ва сув 15,6 фоизга, кийим-кечак ва пойабзал 1,5 фоизга қимматлашган.
Таълим хизматлари нархи 0,7 фоизга, транспорт 0,6 фоизга ошиб, тиббий ёрдам 0,7 фоизга камайди.
Аввалроқ Японияда рекорд даражадаги савдо камомади қайд этилгани ҳақида хабар берилганди.
Изоҳ (0)