The Economist нашри Европадаги яшаш учун энг қулай ва ноқулай шаҳарларни маълум қилди.
Йирик шаҳарлар беш тоифа бўйича таққослаб чиқилди:
- маданият ва атроф-муҳит;
- таълим;
- соғлиқни сақлаш;
- инфратузилма;
- барқарорлик.
Рейтингда биринчи ўринни Австрия пойтахти Вена эгаллади — 99,1 балл. Бу шаҳар учун беш йил ичида учинчи марта рўй берди.
Иккинчи ўринда Копенгаген (98 балл) қайд этилган бўлса, Зурих шаҳри (96,3 балл) учинчи ўринни эгаллади.
Рейтингга киритилган Туркиянинг ягона шаҳри бўлган Истанбул Европада энг паст баллга эга бўлди — 57,7 балл.
Мамлакат президенти Ражаб Тоййиб Эрдўғон даврида тобора кучайиб бораётган авторитар раҳбарлик, шунингдек, кескин инфляция ҳаёт сифатини пасайтирди.
Истанбулдан аввалги ўринни Европадаги энг коррупциялашган мамлакатлардан бири дея ҳисобланувчи Озарбайжон пойтахти Боку эгаллади — 58,3 балл.
Аввалроқ Осиёдаги яшаш учун энг қулай шаҳарлар рейтинги эълон қилинган эди.
Изоҳ (0)