Португалия терма жамоаси ҳужумчиси Криштиану Роналду Евро—2024 мусобақасида иштирок этиш ниятида эканини маълум қилди.
«Яна бир неча йил терма жамоанинг бир бўлаги бўлишдан умидворман. Ҳамон мотивацияга тўламан, мақсадларим юқори. Терма жамоадаги йўлим ҳали якунлангани йўқ.
Бизда кўплаб ёш ўйинчилар бор. Жаҳон Чемпионатига бораман ва Европа чемпионатида қатнашишни ҳам мақсад қилганман», — дейди Криштиану Роналду.
«Манчестер Юнайтед» форварди 2024 йилги Европа чемпионати ўтаётган вақтда 39 ёшда бўлади.
Қатар майдонларида ўтказиладиган ЖЧ—2022 мусобақаси 20 ноябрда бошланиб 18 декабрда якунланади. Германия мезбонлик қиладиган Евро—2024 саралаш босқичига 9 октябрь куни қуръа ташланади.
Изоҳ (0)