Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Хонанда Муниса Ризаева тез кунларда «Хаёлингман» номли таронаси ва унга ишланган видеоклипни мухлисларига тақдим этишини маълум қилди.
Шунингдек, Муниса Ризаева мухлисларига «Хаёлингман» таронасидан парча куйлаб берди.
Актриса Дурдона Қурбонова янги суратини саҳифасига жойлади.
Абдуҳошим Исмоилов ва Зулайҳо Бойхонова Японияда ошпазлар уларга ош тайёрлаб бергани акс этган видеони эълон қилди.
Актриса Муқадас Саъдуллаева саҳифасидаги кузатувчиларининг «Уйда ўтирасизми ўзи» қабилидаги саволига: «Йўқ, уйда ўтирмайман. Ишлайман, ҳам эркак, ҳам аёл бўлиб, бўш вақтимда ўзимга ҳам вақт ажратиб тураман», деб жавоб берди. Шунингдек, актриса кузатувчиларидан унинг шахсий ҳаётига аралашмасликларини сўраган.
Актриса Саида Раметова 21 сентябрь куни 65 ёшни қарши олди. Саида Раметованинг туғилган кунида Музаффар Абдуазимов «Она» таронасини ижро этди, шу билан бирга актрисанинг фарзандлари унга Умра сафарига йўлланма совға қилди. Актрисани телебошловчи Муҳаббат Ҳамроева, режиссёр, продюсер, актёр Аҳад Қаюм туғилган куни билан табриклади. Саида Раметова уни табриклаган барчага миннатдорлик билдирди.
Маҳоратли актриса Дилноза Кубаева ҳам халқ ардоғидаги ҳамкасби Саида Раметовани туғилган куни билан табриклади.
Вайнер Эрали Салимбойвачча билан бирга тушган видеосини эълон қилди.
Хонанда Дилдора Ниёзова саҳифасига турмуш ўртоғи билан тушган суратини жойлади.
«Кўзларинг маъюс» фильми билан мухлислари эътиборини қозонган актриса Ойдин Юсупова XIV Тошкент халқаро кинофестивалида иштирок этгани акс этган видеони намойиш қилди. У узоқ давом танаффусдан сўнг кинога қайтди.
Латофатли хонанда Шаҳзода дизайнер Дилдора Қосимованинг модалар намойишида иштирок этгани акс этган суратни мухлисларига кўрсатди.
Юлдуз Усмонованинг фан аккаунти хонанданинг тўй хизматларининг бирида ашаддий мухлисаси билан тушган видеосини эълон қилди.
Жамила Ғофурова янги сурати билан кўриниш берди ва обуначиларига унинг ёш кўриниши ҳақида айтишса бу актрисага ёқмаслиги, ҳозир 38 ёшда экани ва айнан шу ёшдаги дунёқараши унга ёқаётгани ва аёл киши доим ўзини койимасдан мақтаб туриши кераклиги ҳақида гапирди.
Инстаблогер, тиктокер Baby Mohi бувисининг туғилган кунини яқинлари даврасида нишонлади.
Нилуфар Усмонова маҳоратли дизайнер Дилдора Қосимованинг модалар кўргазмасида иштирок этганини, унинг шу натижага эришишида онасининг дуолари сабаб бўлганини айтди ва дизайнерга омад тилади.
Ўзгача овоз соҳиби Сардор Мамадалиев тез кунларда янги таронасини мухлисларига намойиш этишини маълум қилди.
Асал Шодиева саҳифасига ўғиллари Муҳаммад Юсуф ва Бахтиёрнинг суратини жойлади.
Опера хонандаси Женисбек Пиязов Нью-Йорк кўчаларида овози билан америкаликларни ҳам ҳайратга солгани акс этган видоэни обуначиларига намойиш қилди.
Раққоса Паризода турмуш ўртоғи унинг туғилган кунига сюрприз тайёрлаганигача бўлган жараён қандай кечганини мухлисларига кўрсатди.
Каришма Капур ёшлигида опаси, миллионлаб мухлисларининг эътиборига тушган актриса Карина Капур билан тушган суратини мухлисларига кўрсатди ва уни туғилган куни билан табриклади.
Хонанда Умидахон онасининг туғилган кунини яқинлари даврасида нишонлагани акс этган видеони эълон қилди.
Мавзуга доир:
- Instagram: Шоҳруххон ва Асал Шодиеванинг «жанжали», Даврон Асқаров хонадонида тўй, Севинчнинг Маккадан репортажи.
- Instagram: Паризодага аталган романтик сюрприз, янги машинали бўлган Азамат Аҳроров, iPhone 14 харид қилган машҳурлар.
- Instagram: Умра сафарига кетган Севинч, фарзанд кутаётган Маржона Мирзаалиева, кузатувчиларини йиғлатган Феруза Норматова.
- Instagram: 55 минг долларга машина олган Лола, Дилдора Ниёзовага аталган сюрприз, актриса эканлигидан пушаймон бўлган Райҳон Уласенова.
Изоҳ (0)