Нейт Диас UFC’ни тарк этиб, бокс билан шуғулланмоқчилигини маълум қилди

Америкалик яккакурашчи Нейт Диас UFC’даги фаолиятини якунлагач ўзини боксда синаб кўрмоқчилигини маълум қилди.

17-18 ёшимда мен бокс билан шуғулланардим. Залда фақат боксчилар бўларди.

Дастлаб бокс билан жиддий шуғулланмоқчи бўлганман, бироқ мен яшайдиган ҳудудда MMA жанглари кўплаб ташкиллаштириларди. Мана нима учун мен қафас ичида жанг қилишни танлаганман. Шартномаларим ва яна бошқа нарсалар бор эди.

Ҳозир мен учун ҳамма эшиклар очиқ. Боксдаги дебютим учун тайёргарликни ҳеч қачон тўхтатмадим. Ҳар доим боксдаги маҳоратимни ошириб келмоқдаман ва энди уни қўллаш вақти келди.

Жейк Пол мен учун асосий вариантлардан бири. У катта ишлар қилмоқда.

Нейт Диас, UFC жангчиси

Нейт сўнгги жангини UFC 279 мусобақаси доирасида ўтказиб,Тони Фергюсонни мағлубиятга учратди.